Attila Balaş: "Birinci Qurultay türk dünyasının milli şüurunu gücləndirən tarixi təşəbbüs idi"
Far.Az xəbər saytı

Attila Balaş: "Birinci Qurultay türk dünyasının milli şüurunu gücləndirən tarixi təşəbbüs idi"


"1926-cı il fevralın 26-dan martın 6-dək Bakıda "İsmailiyyə" sarayında Birinci Türkoloji Qurultay keçirildi. Bu toplantı türk xalqlarının inteqrasiyasında yeni mərhələnin əsasını qoyan mühüm hadisə idi".

Bunu Birinci Türkoloji Qurultayın 100 illiyinə həsr olunan layihənin növbəti buraxılışında macar şairi və tərcüməçi Attila Balaş deyib.

O qeyd edib ki, tədbirdə 131 nümayəndə iştirak edib, 14 mövzu üzrə 17 sessiya keçirilib, türklərin və ümumilikdə türk dünyasının tarixi, dili, əlifbası, etnogenezi, etnoqrafiyası, ədəbiyyatı və mədəniyyətindən bəhs edən 38 məruzə və təqdimat dinlənilib, müzakirə edilib. Müzakirələr nəticəsində bir sıra qərarlar qəbul edilib.

Şair vurğulayıb ki, bu, türk xalqlarının milli şüurunu gücləndirən, adət-ənənələrin qorunub saxlanmasının vacibliyinə diqqət çəkən, ədəbiyyat və mədəniyyətin inkişafına, türk xalqlarının həmrəyliyinə müsbət təsir göstərən tarixi təşəbbüs idi.

"Biz bu gün öz varlığını riskə ataraq türk xalqlarına azadlıq, inkişaf və firavanlıq gətirən gələcəyə yol göstərən böyük sələfləri minnətdarlıq hissi ilə anırıq. Birinci Qurultaya qatılan, sonradan repressiya qurbanı olmuş böyük sələfləri, türkoloqları, şərqşünasları, şairləri minnətdarlıq və qürurla xatırlayıram", - deyə o, sözlərinə əlavə edib.

Daha ətraflı Baku TV-nin videomaterialında:

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib
Şəhid analarının iştirakı ilə Vətən müharibəsində Zəfərin 5 illiyinə həsr olunmuş tədbir keçirilib
"Azərbaycan dilini öyrənirik" kitabının təqdimat mərasimi olub
Bakıda Azərbaycan səhiyyəsi üçün önəmli tədbir keçirilib
Türk dünyasında əks-səda yaradan qurultayın müasir dövrdə önəmi

Ən son xəbərləri bizim

"Facebook" səhifəmizdə izləyin

Digər xəbərlər