Ümumdünya Şəhərsalma Forumu urbanizasiya təcrübəsinin paylaşılması üçün mühüm imkan olacaq - RƏY
Gələn il Bakıda keçiriləcək Ümumdünya Şəhərsalma Forumu urbanizasiya təcrübəsinin paylaşılması üçün mühüm imkan olacaq.
Bunu "Report"a açıqlamasında siyasi şərhçi Ülviyyə Zülfiqar deyib.
Onun sözlərinə görə, bu qərar şəhərlərin formalaşdırılmasına yalnız dövlət qurumlarının deyil, bütövlükdə cəmiyyətin diqqətinin yönəldilməsi üçün mühüm əhəmiyyət kəsb edir:
"Öncə qeyd edim ki, Prezident İlham Əliyevin 2026-cı ili "Şəhərsalma və Memarlıq İli" elan etməsi urbanizasiya mövzusunun ictimai gündəmin mərkəzinə gətirilməsi baxımından əlamətdar hadisədir. Son illər Azərbaycanda şəhərsalma sahəsində regional və qlobal miqyasda təcrübələr formalaşıb. Şəhər mühitinin müasir şəkildə yenidən təşkil edilməsi, İçərişəhər ərazisinin bərpası və mühafizəsi, sahilyanı zonaların ictimai istifadə üçün açılması piyada məkanlarının genişləndirilməsinə zəmin yaradıb. Bu yanaşma Bakı şəhərinin estetik görünüşü ilə yanaşı, sosial funksionallığını da gücləndirib".
Ü.Zülfiqar əlavə edib ki, regionlarda həyata keçirilən şəhərsalma layihələri də sözügedən standartlara uyğunlaşdırılıb:
"Mərkəzi meydanların yenidən qurulması, park və istirahət zonalarının salınması, inzibati və sosial binaların vahid plan üzrə inşa edilməsi regionlarda urbanizasiya modelinin tətbiqinin uğurlu nəticəsidir. Ən diqqətçəkən təcrübələrdən biri isə işğaldan azad edilmiş ərazilərdə tətbiq olunan yeni şəhərsalma modelidir. Qarabağ və Şərqi Zəngəzurda planlaşdırma prosesi müasir texnologiyalar, ekoloji balans və uzunmüddətli dayanıqlılıq prinsipləri üzərində qurulub".
Siyasi şərhçi bildirib ki, "ağıllı şəhər" və "ağıllı kənd" yanaşmaları enerji səmərəliliyi, nəqliyyatın optimallaşdırılması və rəqəmsal idarəetmə baxımından ölkənin urbanizasiya siyasətində keyfiyyətcə yeni mərhələ açıb:
"Bu təcrübə Azərbaycanın şəhərsalma sahəsində yalnız regional deyil, həm də beynəlxalq səviyyədə maraq doğuran model təqdim etdiyini göstərir. Gələn il Bakıda keçiriləcək Ümumdünya Şəhərsalma Forumu isə urbanizasiya ilə bağlı təcrübələrin dünya miqyasında paylaşılması, həmçinin qarşılıqlı müzakirələr üçün mühüm imkandır".
Oxşar xəbərlər
Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib
Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Prezident İlham Əliyev XII Qlobal Bakı Forumunun açılış mərasimində çıxış edib
Ən son xəbərləri bizim
"Facebook" səhifəmizdə izləyin
Digər xəbərlər
-
Böyük Britaniya Ukraynaya mindən çox uzaqmənzilli dron verəcək
-
Tramp İranla münaqişənin tezliklə həll olunacağına ümid edir
-
"DOST to DOST" layihəsi çərçivəsində könüllülərin İsmayıllıya infoturu təşkil olunub
-
XİN: Tbilisidə baş vermiş faciəvi partlayış xəbərindən dərin kədər hissi keçiririk
-
Sahilboyu ərazilərdə torpaq sahələrinin istifadəyə və icarəyə verilməsi rəqəmsallaşdırılacaq
-
ASCO-nun "Xocalı" gəmisi Çində texniki yoxlamadan keçdi, sertifikatları yeniləndi













