Zaqatala rayonunun Muğanlı kəndində 432 şagird yerlik məktəb yeni tədris ili üçün hazır vəziyyətə gətirilib.

“Report”un Şimal-qərb bürosunun məlumatına görə, rayonun Muğanlı kəndində tikintisi başa çatan məktəb binası yeni tədris ilində istifadəyə verilib.

Bununla bağlı keçirilən tədbirdə Elm və Təhsil Nazirliyi İnsan resursları şöbəsinin müdiri Çapay Məmmədov, Şəki-Zaqatala Regional Təhsil İdarəsinin müdiri Günay Mahmudova, Zaqatala Rayon İcra Hakimiyyətinin nümayəndələri, müəllimlər və şagirdlər iştirak ediblər.

Bildirilib ki, Muğanlı kənd tam orta məktəbi 432 şagird yerlik, üç korpus və üç mərtəbədən ibarətdir. Yeni tikilən məktəbin sinif otaqları lazımı avadanlıqlarla təchiz olunub, həyətyanı sahəsinə asfalt örtüyü çəkilib.

Oxşar xəbərlər

Bakıda 6 məktəb əsaslı təmirlə bağlı köçürülüb

Lənkəran-Astara Regional Təhsil İdarəsi üzrə təhsil işçilərinin sentyabr konfransı keçirilib

Azad edilmiş ərazilərin bərpası: xarabalıqdan dirçəlişə doğru - Təhlil

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

Biləsuvardan olan 11 məzun Qarabağ Universitetinin ilk tələbələrindən olacaq