Ötən ilin dekabr ayında Azərbaycanda mobil cihazlarda "Android" əməliyyat sisteminin bazar payı 76,44 % təşkil edib.

"Far.Az"un "Statcounter" agentliyinin son hesabatına istinadən verdiyi xəbərə görə, bu, noyabr ayına nisbətən 1,4 faiz bəndi, bir il əvvəlki göstərici ilə müqayisədə isə 4,85 faiz bəndi azdır. Beləliklə onun bazar payı ardıcıl olaraq 6-cı aydır azalır (ümumi azalma 13 % təşkil edir).

Mobil cihazlarda "İOS" əməliyyat sisteminin bazar payı aylıq 1,09 faiz bəndi və illik müqayisədə 4,6 faiz bəndi artaraq 22,74 % olub.

Planşetlərdə "Android"in bazar payı aylıq müqayisədə 0,58 faiz bəndi və illik müqayisədə 16,6 faiz bəndi azalaraq 76,65 % təşkil edib.

Həmin cihazlarda "İOS"un bazar payı 23,33 % təşkil edib ki, bu da aylıq müqayisədə 0,61 faiz bəndi, illik isə 16,58 faiz bəndi çoxdur.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

"Xiaomi" Azərbaycanın mobil cihaz bazarındakı payının 27 %-ni itirib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycanlılar pulunu harada saxlayır? - STATİSTİKA