Merts: Avropanın əsas məqsədi Ukraynada tezliklə atəşkəsin əldə edilməsidir
Bizim əsas arzumuz odur ki, Ukraynada dörd illik müharibədən sonra mümkün qədər tez atəşkəs bərqərar olsun.
"Far.Az"un Avropa bürosunun məlumatına görə, bunu Almaniya Kansleri Fridrix Merts Parisdə Ukrayna ilə bağlı keçirilən görüşün yekunlarına dair mətbuat konfransında bildirib.
"Ukrayna humanitar və enerji böhranının astanasındadır, buna görə də biz nəticəyə mümkün qədər tez nail olmaq üçün səylərimizi bütün hallarda gücləndirəcəyik", – deyə Merts vurğulayıb.
Onun sözlərinə görə, bugünkü görüşdə "ukraynalılar, avropalılar və amerikalılardan ibarət üçbucaq" Ukraynada sülhə nail olmaq üçün diplomatik səylərdə mühüm addım atıb.
"Biz istəyirik ki, atəşkəs 2015-ci il Minsk razılaşmasından fərqli olaraq etibarlı təhlükəsizlik zəmanətləri ilə möhkəmləndirilsin", – deyə Almaniya Kansleri əlavə edib və atəşkəsin birgə əldə edilməsinin vacibliyini vurğulayıb.
Bu halda "istəklilər koalisiyası" Ukraynanın təhlükəsizliyi üçün birgə məsuliyyəti üzərinə götürəcək. Bu, güclü silahlı qüvvələrin yaradılması yolu ilə həyata keçiriləcək ki, həmin qüvvələr silahlanma, təlim və maliyyələşdirmə sayəsində Rusiyanı potensial aqressiyalardan inamla çəkindirə bilsin.
"Biz Vaşinqtondakı tərəfdaşlarımızla razıyıq ki, bunun üçün müəyyən şərtlər yerinə yetirilməlidir. Əvvəla, ABŞ daxil olmaqla, hamımızdan güclü, hüquqi cəhətdən məcburi təhlükəsizlik zəmanətləri və Avropanın iştirakını təmin etmək üçün güclü Amerika dəstəyi lazımdır", – deyə Merts bildirib və əlavə edib ki, Almaniya bu prosesdə siyasi, maliyyə və hərbi səviyyələrdə iştirakını davam etdirəcək.
Bu iştirakın parametrləri Bundestaq tərəfindən müəyyən ediləcək, lakin kansler heç bir mümkün forma və həcmi istisna etməyib.
Onun sözlərinə görə, Avropa artıq ABŞ ilə sıx əməkdaşlıq şəraitində Ukraynanın bərpası üzrə tədbirlər paketini hazırlayır. Bu isə təhlükəsizlik zəmanətləri ilə ayrılmaz şəkildə bağlıdır:
"İqtisadi güc Ukraynanın gələcəkdə də Rusiya üçün inandırıcı çəkindirmə faktoru olmasının əvəzolunmaz təminatına çevriləcək".
Oxşar xəbərlər
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib
Ən son xəbərləri bizim
"Facebook" səhifəmizdə izləyin
Digər xəbərlər
-
Macarıstan Xorvatiya vasitəsilə neft tədarükünə dair danışıqlara başlayıb
-
Almaniyada məlumat sızıntısına görə "Deutsche Bank" barəsində araşdırma başladılıb
-
Böyük Britaniya Ukraynaya mindən çox uzaqmənzilli dron verəcək
-
General Natiq Əliyevin qızı ilə bağlı qərar verildi
-
AzTV-də yeni dövr başlayır: Televiziyada nələr dəyişəcək?
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu













