Meksikanın bəzi bölgələrində güclü yağışların səbəb olduğu torpaq sürüşmələri 15 nəfərin həyatına son qoyub.

“Far.Az” xəbər verir ki, bu barədə xarici KİV yerli hakimiyyət orqanlarının məlumatlarına istinadən məlumat yayıb.

“Mexiko ştatının Mülki Müdafiə və Risklərin Kompleks İdarəetməsi İdarəsinin Koordinasiya Qərargahının məlumatına görə, indiyədək 6 ölüm və 3 yaralanma barədə məlumat verilib”, - Mexiko ştatının rəhbərliyinin bəyanatında deyilir.

Qeyd olunur ki, fövqəladə vəziyyət Naukalpan bələdiyyəsinin La Rakelito bölgəsində bir gün əvvəl yağan güclü yağışların səbəb olduğu sürüşmə nəticəsində baş verib. Ştat rəhbərliyi sürüşmənin şəxsi evə və Emiliano Sapata adına ibtidai məktəbə ziyan vurduğunu bildirib.

“El Universal” nəşrinin məlumatına görə, daha əvvəl Meksika paytaxtının digər şəhərətrafı qəsəbəsində - Mexiko ştatının Hilotsinqo bələdiyyəsində sürüşmə baş verib. Xilasedicilərin dağıntılar altından 5 nəfərin cəsədini çıxardığı, sürüşmə qurbanlarının ümumi sayının 9 nəfərə çatdığı vurğulanır.

Oxşar xəbərlər

Efiopiyada 400 minə yaxın insan daşqınlardan zərər çəkib

Nəcməddin Sadıkov barəsində araşdırma aparıldığı TƏSDİQLƏNİB

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

MN-dəki 143 milyonluq cinayət işi: General Namiq Poladova 4 milyon 600 min manat çatıb

Meymunçiçəyi virusu nədir, necə yayılır, COVID kimi pandemiyaya səbəb ola bilərmi?