İtaliya Azərbaycanla əməkdaşlıq prioritetlərini təsdiqləyib
Far.Az xəbər saytı

İtaliya Azərbaycanla əməkdaşlıq prioritetlərini təsdiqləyib


İtaliya 2028-ci ilədək Azərbaycanla əməkdaşlıq prioritetlərini müəyyən edib.

Bu barədə "Report" İtaliyanın Xarici İşlər Nazirliyinə istinadən məlumat verir.

Nazirlikdə xatırladıblar ki, yanvarın 13-də İtaliyanın xarici işlər və beynəlxalq əməkdaşlıq nazirinin müavini Edmondo Çirielli Bakıda səfərdə olub.

Səfər çərçivəsində Xarici İşlər nazirlikləri arasında siyasi məsləhətləşmələr aparılıb. Bundan başqa, Çirielli Azərbaycan və İtaliya arasında iqtisadi əməkdaşlıq üzrə Hökumətlərarası Komissiyanın altıncı iclasında iştirak edib.

İclasın yekunları üzrə komissiyanın həmsədrləri 2026-2027-ci illər üçün Birgə Fəaliyyət Planını (18 istiqamət üzrə 65 tədbiri əhatə edir - red.) təsdiq ediblər. Fəaliyyət Planı bir sıra istiqamətlər üzrə ikitərəfli əməkdaşlığın dərinləşdirilməsinə yönəlib.

"Komissiyanın işi təkcə energetika kimi prioritet sektorlarda deyil, həm də səhiyyə, infrastruktur, kosmos, aqrar-qida sektoru, gömrük sahəsində qarşılıqlı fəaliyyət və turizm kimi perspektivli sahələrdə, humanitar minatəmizləmə də daxil olmaqla həssas istiqamətlərdə əməkdaşlığın inkişafını nəzərdə tutan fəaliyyət planının hazırlanması ilə başa çatıb", - nazirliyin məlumatında deyilir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Leyla Əliyeva və Alyona Əliyeva mükafatlandırma mərasimində iştirak ediblər

Ən son xəbərləri bizim

"Facebook" səhifəmizdə izləyin

Digər xəbərlər