Azərbaycan və Türkmənistan dəniz yük daşımalarının artımını müzakirə ediblər
Bakıda Türkmənbaşı Beynəlxalq Dəniz Limanının direktoru Paraxat Cumayevin başçılıq etdiyi nümayəndə heyəti "Bakı Beynəlxalq Dəniz Limanı" MMC-nin direktoru Eldar Salaxovla işgüzar görüş keçirib.
"Far.Az" Türkmənistan XİN-ə istinadən xəbər verir ki, tərəflər Türkmənbaşı, Bakı, Poti, Batumi və Konstansa limanları vasitəsilə yük axınlarının artırılması perspektivlərini müzakirə ediblər.
Görüş zamanı Türkmənistan və Azərbaycanın strateji tərəfdaşlığı ardıcıl şəkildə gücləndirdiyi, Türkmənbaşı və Bakı (Ələt) limanları arasında logistikanın inkişafına xüsusi diqqət yetirdiyi vurğulanıb. Xüsusilə, qarşılıqlı əmtəə dövriyyəsinin artması şəraitində Xəzər dənizi vasitəsilə yük axınının artırılması, nəqliyyat əlaqələrinin genişləndirilməsi və Orta Dəhlizin inkişafı üzrə tədbirlər müzakirə olunub.
Həmçinin tərəflər son illər ərzində sərhəd və gömrük prosedurlarının sadələşdirilməsi sahəsində əhəmiyyətli irəliləyişin əldə olunduğunu, dəniz və dəmir yolu xidmətləri üzrə tariflərin azaldılmasının multimodal daşımaların artmasına və tranzit konteyner aşırımının çoxalmasına səbəb olduğunu qeyd ediblər.
"Tərəflər eyni zamanda Xəzər dənizi – Qara dəniz beynəlxalq tranzit-nəqliyyat dəhlizinin inkişafı ilə bağlı məsələləri, o cümlədən Türkmənbaşı, Bakı, Poti, Batumi və Konstansa limanları vasitəsilə yük daşımalarının artırılması perspektivlərini müzakirə ediblər. Bütün maraq cəlb edən tərəflərlə, o cümlədən Avropa İttifaqı ilə əməkdaşlığın aktivləşdirilməsinin əhəmiyyəti qeyd edilib. Görüş iştirakçıları bu dəhlizin qlobal xarakterini və geniş perspektivlərini vurğulayaraq, səmərəli informasiya mübadiləsinin qurulması məsələlərini də nəzərdən keçiriblər", - məlumatda bildirilib.
Oxşar xəbərlər
SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib
Ən son xəbərləri bizim
"Facebook" səhifəmizdə izləyin
Digər xəbərlər
-
Əraqçi: İran zənginləşdirilmiş uranı ölkədən çıxarmaq niyyətində deyil
-
Tramp Nvidia-nın keçmiş rəhbəri Censen Huanqa ikinci şans verməyə çağırıb
-
Ukraynanın Krivoy Roq şəhərinə raket hücumu nəticəsində 2 nəfər ölüb, 42 nəfər yaralanıb
-
Los-Anceles yaxınlığında 4,2 maqnitudalı zəlzələ olub
-
Peruda güclü zəlzələ olub
-
Nasdaq indeksi 5,28 % geriləyib, şirkətlərin bazar dəyəri 4 trilyon dollar azalıb













