ABŞ Rusiya və Çinlə bərabər şərtlərlə nüvə sınaqlarına qayıdacaq, lakin atmosferdə meqaton sinifli partlayışlar həyata keçirməyəcək.

"Report" TASS-a istinadən xəbər verir ki, bu barədə ABŞ dövlət katibinin silahlara nəzarət və yayılmama üzrə köməkçisi Kristofer Ya Vaşinqtonda Hudson institutunda keçirilən seminarda bildirib.

"Prezidenti Donald Trampın dediyi kimi, ABŞ bərabər şərtlərlə sınaqların keçirilməsinə qayıdacaq. Lakin bərabər şərtlər, "Ivy Mike" tipli meqatonluq nüvə atmosfer sınaqlarına qayıdacağımız mənasını vermir. Bərabər şərtlər müəyyən bir standarta uyğunluq deməkdir. Bu standartın nədən ibarət olduğunu başa düşmək üçün Çin və Rusiyaya baxın", - o qeyd edib.

Dövlət Departamentinin nümayəndəsi həmçinin vurğulayıb ki, Rusiya ilə ABŞ arasında Strateji Hücum Silahlarının Azaldılması Müqaviləsinin (START) bəndlərinə əməl etməyə davam etmək barədə razılaşma yoxdur: "Mənim belə bir razılaşmadan xəbərim yoxdur. Və bu məsələ hələ də ABŞ prezidentinin əlindədir".

Onun sözlərinə görə, START-ın müddətinin başa çatması ilə əlaqədar Vaşinqton gələcəkdə silahlara nəzarəti təmin etmək üçün strateji sabitlik üzrə çoxtərəfli danışıqların aparılmasını təklif edir. "Çoxtərəfli yanaşma nüvə silahlanması üzrə nəzarətsiz yarışın qarşısını almağa, onların artırılmasını məhdudlaşdırmağa və zərurət yarandıqda, nüvə silahına malik olan və nüvə silahının yayılmaması ilə bağlı müqavilənin iştirakçısı olmayan dövlətlərə aid məsələləri həll etməyə kömək edəcək", - Ya bildirib.

Oxşar xəbərlər

Ucuz qiymətə qızıl almaq istəyənləri SEVİNDİRƏCƏK XƏBƏR

Bankda olan mənzillər təcili satışa çıxarıldı - QİYMƏTLƏR

Torpaq almaq istəyənlər üçün YENİ XƏBƏR - Siyahı açıqlandı

Ucuz qiymətə avtomobil almaq istəyənlərin NƏZƏRİNƏ - 1300 AZN-dən başlayır

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2