Sosial şəbəkələrdə tez-tez rast gəlinən videolarda bəzi vətəndaşlar çips paketini açdıqdan sonra içindən qurd çıxdığını iddia edirlər. Hətta bəzi görüntülərdə məhsul mikroskop altında göstərilərək tərkibində canlı orqanizmin olduğu fikri irəli sürülür.

BAKU.WS xəbər verir ki, bu barədə Baku TV-nin videomaterialında bildirilir.

Bəs bu iddialar nə dərəcədə reallığı əks etdirir?

Qida üzrə ekspert Seymur Qafarov qeyd edir ki, belə hadisələrin baş verməsi qablaşdırma materialının tamlığının pozulması ilə əlaqəli ola bilər:

"Ümumiyyətlə, emal prosesindən sonra soyudulan məhsulların dolum zamanı içərisinə fiziki çirklənmə daxil ola bilər. Həmçinin hər hansı bir qurdun emaldan keçmiş məhsulun üzərində sürfəsi ola bilər. Bu zaman paketləmə bağlandıqdan sonra orada inkişaf edə bilər. Paketlənmiş məhsuldan həşərat çıxa bilər ki, bu da fiziki çirklənmə meyarına daxildir. Mikroskop altında çips dilimini müşahidə etdikdə isə orada mikrobioloji çirklənmə əlamətləri də görünə bilər".

Mütəxəssislər deyirlər ki, çips kimi qablaşdırılmış qida məhsullarında belə halların baş verməsi əsasən saxlanma şəraiti və gigiyenik normaların pozulması ilə bağlı ola bilər. Bu səbəbdən istehlakçılara tövsiyə olunur ki, məhsulun saxlanma şəraitinə və istifadə müddətinə xüsusi diqqət yetirsinlər. Qida sahəsində şübhəli və xoşagəlməz hallarla qarşılaşdıqda isə vətəndaşlar həmin məhsulu istehlak etməməli və bunu təsdiq edən faktlarla birlikdə aidiyyəti quruma müraciət etməlidirlər.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Ev şəraitində baş verən zəhərlənmə və 162 şübhəli müraciət: Yayda nədən uzaq durmalıyıq?

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2