Türkiyənin İstanbul şəhərində Ruhi Sarıalp Beynəlxalq Tullanmalar Kubokunda qızıl medal qazanan Azərbaycan atleti Abdulla Əliyev dünya səviyyəli idmançı olmaq istəyir.

Gənc idmançı bu barədə "Far.Az"a açıqlama verib.

U-20 kateqoriyasında uzunluğa tullanma növündə 6.75 metr nəticə ilə qalib olan atlet hədəflərindən bəhs edib:

"Beynəlxalq arenada sabit şəkildə yüksək nəticələrə nail olmağı planlaşdırıram. İlk növbədə U-20 dünya çempionatına lisenziya qazanmağı hədəfləmişəm. Bundan əlavə, digər böyük turnirlərdə medalçılar sırasına düşmək, Azərbaycanı hər zaman layiqincə təmsil etmək və gələcəkdə dünya səviyyəli idmançı olmaq istəyirəm".

A.Əliyev Türkiyədəki turnirdə birinci yeri tutsa da, daha yaxşı nəticə göstərə biləcəyini vurğulayıb:

"Sonuncu cəhdim mənə qızıl medal qazandırdı. Azərbaycan bayrağını yüksəklərə qaldırdığım üçün xoşbəxtəm. Bu uğur həm də məşqlərin nəticəsidir. Məşqçim Anar Yusifov yarış zamanı yanımda olmasa da, daim onun dəstəyini hiss etdim. Qələbədə onun da böyük əməyi var. U-20 dünya çempionatına vəsiqə qazanmaq və ABŞ-də Azərbaycanı layiqincə təmsil etmək niyyətindəyəm".

Oxşar xəbərlər

Birinci Qarabağ müharibəsinin itkin şəhidi Abdulla Quliyevlə vida mərasimi keçirilib

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2