London təmsilçisi "Arsenal" cinah hücumçusu Bukayo Saka ilə yeni uzunmüddətli müqavilə imzaladığını rəsmən açıqlayıb.

Far.Az xəbər verir ki, klubun yaydığı məlumata əsasən, 24 yaşlı futbolçu ilə sözləşmə 2031-ci ilin yayına qədər qüvvədə olacaq.

İngiltərə mətbuatında daha əvvəl yayılan xəbərlərə görə, yeni müqavilə Sakaya əhəmiyyətli maaş artımı qazandıracaq və onun Avropanın ən yaxşı vingerlərindən biri statusunu rəsmiləşdirəcək. Klub rəhbərliyi gənc futbolçunu komandanın gələcək layihəsinin əsas simalarından biri hesab edir.

Cari mövsümdə Saka bütün turnirlər daxil olmaqla 34 oyunda meydana çıxıb, 8 qol vurub və 5 məhsuldar ötürmə ilə yadda qalıb. Onun sürəti, fərdi ustalığı və həlledici anlarda məsuliyyəti üzərinə götürməsi "topçular"ın hücum xəttində əsas üstünlüklərdən sayılır.

Transfer bazarının göstəricilərinə əsasən, futbolçunun dəyəri hazırda 130 milyon avro qiymətləndirilir. Bu da onu İngiltərə və Avropanın ən bahalı oyunçularından birinə çevirir.

Hazırda "Arsenal" İngiltərə Premyer Liqasının turnir cədvəlinə 58 xalla başçılıq edir. Əsas rəqib "Mançester Siti" beş xal geridə qərarlaşıb, lakin ehtiyatda bir oyunu var.

Oxşar xəbərlər

"Qarabağ"ın tarixi qələbəsi DÜNYA MƏTBUATINDA

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Həyatda yaxşı şeyləri niyə görmürük? - Tanınmış simaların FİKİRLƏRİ