"Novruz bayramında ən bahalı otellər ənənəvi olaraq Qəbələ, Naftalan, Lənkəran və Qarabağ bölgələrində yerləşir".

Bunu BAKU.WS-ə açıqlamasında Turizm üzrə ekspert Rəhman Quliyev bildirib.

O əlavə edib ki, bu bölgələrdə resort, spa və premium xidmətlər təqdim edən otellər bayram üçün xüsusi proqramlar hazırlayır:

"Qəbələdə dağ və resort tipli otellərdə 4 ulduzlu otaqların qiymətləri gecəlik 150-200 manat, 5 ulduzlu otaqların qiymətləri isə 200-300 manat arasında dəyişir.

Naftalandakı sağlamlıq və spa mərkəzləri olan otellərdə qiymətlər oxşar səviyyədədir. Burada 4 ulduzlu otellərin qiymətləri 150-200 manat, 5 ulduzlu otellərin qiymətləri isə 200-300 manatdır.

Qarabağ bölgəsində, xüsusən Şuşa və Xankəndidə yerləşən otellərin qiymətləri bir qədər yüksəkdir. 4 ulduzlu otellərdə gecəlik qiymətlər 150-200 manat, 5 ulduzlu otellərdə isə 200-300 manat arasında dəyişir. Qiymətlərin yüksək olmasının səbəbi bölgənin uzaq məsafəsi və otellərdə mövcud sıxlıqdır.

Lənkəranda bir neçə lüks otel də fəaliyyət göstərir. Bu otellərin qiymətləri 200-250 manat və yuxarıdır. Burada təqdim olunan premium xidmətlər və eksklüziv əyləncə proqramları qiymətləri artırır. Bayram günlərində bu otellərdə qiymətlər digər vaxtlarla müqayisədə təxminən 25–30% yüksək olur".

Orxan Hüseyn

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Gələcəyə ümidlə baxan uşaqların sağlamlıq arzusu burada gerçəkləşə bilər

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar

Xankəndidə Zəfər atəşfəşanlığı

Qış turizm mövsümü öncəsi daxili turizm imkanları nümayiş etdirilib