Boçorişvili: Gürcüstanı regional layihələrdən kənarlaşdırmaq mümkün deyil
Gürcüstan ABŞ-nin dəstəyi ilə Azərbaycan və Ermənistan arasında münasibətlərin normallaşması gedişatını müsbət qiymətləndirir və bu prosesə öz töhfəsini verməyə hazırdır.
"Report" "Gürcüstanın Birinci Kanalı"na istinadən xəbər verir ki, bu barədə Gürcüstanın xarici işlər naziri Maka Boçorişvili bildirib.
Onun sözlərinə görə, ABŞ-nin vitse-prezidenti Cey Di Vensin Ermənistan və Azərbaycana son səfəri Cənubi Qafqaz regionunda sülh prosesinin dəstəklənməsinə yönəlib.
Nazir həmçinin Gürcüstanın regional layihələrdən mümkün kənarlaşdırılması məlumatlarını şərh edib.
"Regionumuzun rolundan, əsasən də Orta Dəhlizdən (TBNM) və bu kontekstdə Gürcüstanın əhəmiyyətindən danışarkən Gürcüstanın rolunu qiymətləndirməmək mümkün deyil. Nə qədər çalışsalar da, bu mümkün deyil. Heç kim alternativ yolların (TRIPP layihəsi – red.) mövcudluğunu istisna etmir və bunda pis heç nə yoxdur, lakin Gürcüstanı qeyd etməmək düzgün deyil. Gürcüstan dənizə çıxışı olan yeganə ölkədir və təkcə bu kifayətdir ki, Gürcüstanın rolunu qiymətləndirməməyin mümkün olmadığına əmin olasan", - Boçorişvili deyib.
O Tbilisi ilə Vaşinqton arasında münasibətlərə toxunaraq qeyd edib ki, Gürcüstan məsləhətləşmələr üçün açıqdır: "Münasibətlərə yenidən baxılmasını gözləyirik, bu da hər iki ölkəni qarşılıqlı hörmət və bərabərliyə əsaslanan strateji tərəfdaşlığa qaytarmağa imkan verəcək. Biz Gürcüstan və ABŞ arasında məsləhətləşmələrin baş tutacağını və Bayden administrasiyasının münasibətlərimizdə qoyub getdiyi həqiqətən mürəkkəb irsi aradan qaldıra biləcəyimizi gözləyirik".
Oxşar xəbərlər
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Heydər Əliyev Fondunun dəstəyi ilə alınan musiqi alətlərinin təqdimatı olub
Ən son xəbərləri bizim
"Facebook" səhifəmizdə izləyin
Digər xəbərlər
-
Macarıstan Xorvatiya vasitəsilə neft tədarükünə dair danışıqlara başlayıb
-
Almaniyada məlumat sızıntısına görə "Deutsche Bank" barəsində araşdırma başladılıb
-
Böyük Britaniya Ukraynaya mindən çox uzaqmənzilli dron verəcək
-
AzTV-də yeni dövr başlayır: Televiziyada nələr dəyişəcək?
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu













