Ali təhsil müəssisələrində professor-müəllim heyətinin 64,5 %-i, rəhbər vəzifələrdə olan qadınların sayı isə 43 %-dir.

"Report" xəbər verir ki, bunu elm və təhsil nazirinin müavini Firudin Qurbanov Milli Məclisdə "Qanunvericilikdə gender bərabərliyi: nailiyyətlər və perspektivlər" mövzusunda keçirilən ictimai dinləmədə çıxışı zamanı deyib.

Nazir müavini bu nisbətin narahatedici olduğuna diqqət çəkib:

"Kolleclərdə isə vəziyyət daha müsbətdir. Burada müəllim heyətinin 81,2 %-i, rəhbər heyətin isə 63,9 %-i qadınlardır. Keçən ilin statistikasına görə, ölkədə qadın tədqiqatçıların sayı 50,2 %-dir. Dünyada isə bu rəqəm 41 %-dir. Yəni Azərbaycanda vəziyyət daha yaxşıdır. Amma bu sahədə də rəhbər vəzifələrdə göstəricilər yenə azdır".

F.Qurbanov eyni zamanda qeyd edib ki, qanunvericilikdə cinsə görə ayrı-seçkilik anlayışının dəqiq müəyyən edilməsi və hüquqların müdafiəsi mexanizmi natamamdır:

"Yaxşı olar ki, müvafiq qanunverciliyə həmin məsələlərlə bağlı beynəlxalq standartlara uyğun dəyişikliklər edilsin. Əsas hüquqi maneələr məsuliyyətlə bağlıdır. Burada müəyyən boşluqlar var. Təhsil münasibətlərində cinsə görə ayrı-seçkilik müstəqil hüquq pozuntusu kimi ayrıca nəzərdə tutulmayıb. Həmçinin tədqiqatlar göstərir ki, təbiət və ictimai elmlər üzrə məktəb dərsliklərində gender stereotipləri hələ də mövcuddur".

Oxşar xəbərlər

Arzu Əliyeva və Alena Əliyeva "Rənglərdə yaşanan 10 il" mövzusunda keçirilən sərgidə iştirak ediblər

Həyatda yaxşı şeyləri niyə görmürük? - Tanınmış simaların FİKİRLƏRİ

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN