ABŞ İrandakı əməliyyatı nə vaxt dayandıracaq? - ŞƏRTLƏR
ABŞ-nin İrana qarşı hərbi əməliyyatı hansı şərtlərdə dayandıra biləcəyi ilə bağlı yeni iddialar səsləndirilib.
BAKU.WS "Əl-Cəzirə"yə istinadən xəbər verir ki, beynəlxalq siyasət üzrə professor Skot Lukas bildirib ki, ABŞ əməliyyatı bir neçə ciddi amilin təsiri ilə dayandıra bilər.
Onun sözlərinə görə, ABŞ cəmiyyətində müharibəyə dəstəyin azalması, neft qiymətlərinin kəskin bahalaşması, ABŞ fond bazarlarının enməsi və qlobal iqtisadi böhran təhlükəsi yaranarsa, Vaşinqton müharibəni dayandırmaq məcburiyyətində qala bilər.
Ekspert bildirib ki, ABŞ prezidenti Donald Tramp artıq neft qiymətlərindəki artım, maliyyə bazarlarında itkilər və müharibəyə qarşı çıxan ictimai təzyiq səbəbindən ciddi təzyiq hiss edir. Onun fikrincə, bu amillər daha da güclənsə, ABŞ rəhbərliyi qarşıdurmanı dayandırmaq qərarı verə bilər.
Lukas hesab edir ki, Tramp və ətrafı ABŞ vətəndaşlarının böyük hissəsinin müharibəyə qarşı olduğunu anladıqda vəziyyət dəyişə bilər. O qeyd edib ki, hazırda amerikalıların təxminən 56 faizi bu müharibəni dəstəkləmir. Bundan əlavə, dünya bazarında neftin qiyməti 100 dollardan yuxarı qalxaraq 150 dollara yaxınlaşarsa, həmçinin ABŞ fond bazarlarında ciddi eniş baş verərsə və qlobal iqtisadi böhran təhlükəsi yaransa, ABŞ əməliyyatı dayandırmağa məcbur qala bilər.
Professorun sözlərinə görə, ABŞ rəhbərliyinə bu münaqişədən çıxmaq üçün özünü qorumağa imkan verəcək vasitə də lazımdır. O bildirib ki, hazırda Trampa təsir imkanları olan tərəflərdən biri Fars körfəzi ölkələridir, çünki həmin regionda Trampın şəxsi və ailəvi investisiyaları, həmçinin ABŞ aktivləri mövcuddur.
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Mərkəzi Bank tərəfindən media nümayəndələri üçün "Kapital bazarlarının əsasları" mövzusunda təlim keçirilib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Azərbaycan-Türkiyə müttəfiqlik münasibətlərinin cari gündəliyi müzakirə olunub













