Ermənistanda güclü yağışlar yollarda uçqunlara səbəb olub
Far.Az xəbər saytı

Ermənistanda güclü yağışlar yollarda uçqunlara səbəb olub


Ermənistanda leysan yağışları səbəbindən bəzi rayonlarda küçələri su basıb, Sünik vilayətindəki yollarda daş uçqunları baş verib, hərəkət bərpa olunub.

"Far.Az" xəbər verir ki, bu barədə Ermənistan KİV-i məlumat yayıb.

Ermənistan DİN-in Xilasetmə Xidmətinin məlumatına görə, daş uçqunları Tatev-Ltsen, Kapan-Kacaran (hərəkət birtərəfli olub), Alidzor – "Şeytan körpüsü" (hərəkət dayandırılıb) yollarının bəzi hissələrində baş verib.

Daha əvvəl Sünik vilayətinin qubernatoru Robert Qukasyan güclü yağıntılar səbəbindən daşqın riski barədə xəbərdarlıq etmişdi. Sakinlərə sahilyanı zonalardan uzaq durmaq, çaylara yaxınlaşmamaq və yollarda ehtiyatlı olmaq tövsiyə olunur.

Sinoptiklərin məlumatına görə, martın 28-i günün ikinci yarısından aprelin 1-dək ayrı-ayrı bölgələrdə vaxtaşırı yağıntılar gözlənilir – dağlıq zonalarda sulu qar proqnozlaşdırılır.

Oxşar xəbərlər

Prezident İlham Əliyev "AZWOOL" mineral daş yunu zavodunun açılışında iştirak edib
Güclü qar Qəbələnin dağlıq kəndlərinə gediş-gəlişi çətinləşdirib
Bakıda kosmetoloji vasitələrin satışı anbarının fəaliyyəti dayandırılıb
Dağlıq ərazidə axtarış-xilasetmə ilə bağlı təlim keçirilib
Daş Salnamə Muzeyində "Suyun sirri" pantomim tamaşası təqdim olunub

Ən son xəbərləri bizim

"Facebook" səhifəmizdə izləyin

Digər xəbərlər