Şimali Koreya ABŞ şirkətlərinə qarşı genişmiqyaslı kiberhücum həyata keçirib
Şimali Koreya ilə əlaqəli hakerlərin minlərlə ABŞ şirkətinin istifadə etdiyi proqram təminatına sızaraq iri miqyaslı tədarük zənciri hücumu həyata keçirdiyi bildirilib.
BAKU.WS xəbər verir ki, mütəxəssislərin məlumatına görə, hücum çərçivəsində açıq mənbəli "Axios" proqramının inkişaf etdirici hesabı ələ keçirilib. Təxminən üç saat davam edən müdaxilə zamanı proqramı yükləyən qurumlara zərərli yeniləmələr göndərilib.
Google-a bağlı kibertəhlükəsizlik qurumu Mandiant hücumun arxasında Şimali Koreya mənşəli qrupun dayandığını açıqlayıb. Şirkətin texnologiya rəhbəri Çarles Carmakal bildirib ki, əldə edilən giriş imkanlarından əsasən kriptovalyuta oğurluğu üçün istifadə oluna bilər.
Araşdırmalara əsasən, artıq ən azı 12 şirkətə aid 135 cihazın hücumdan zərər gördüyü müəyyən edilib. Lakin ekspertlər real zərərin daha böyük ola biləcəyini və təsirlərin aradan qaldırılmasının aylarla davam edəcəyini qeyd edirlər.
Məlumata görə, Şimali Koreya üçün kiberhücumlar mühüm maliyyə mənbəyinə çevrilib. Beynəlxalq hesabatlarda bildirilir ki, bu ölkə ilə əlaqəli qruplar son illərdə banklar və kriptovalyuta platformalarından milyardlarla dollar vəsait ələ keçirib.
ABŞ rəsmilərinin açıqlamasına əsasən, ölkənin raket proqramının maliyyələşməsinin əhəmiyyətli hissəsi məhz bu cür rəqəmsal hücumlar hesabına təmin olunur. Ekspertlər hesab edir ki, Pyonyanq bu fəaliyyətləri gələcəkdə də davam etdirəcək.
Oxşar xəbərlər
Güclü yağışdan sonra Bakıda genişmiqyaslı daxili iməcilik keçirilib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Vətən müharibəsində Qələbənin beşinci ildönümünə həsr olunmuş Hərbi parad keçirilib
Bakıda Azərbaycan səhiyyəsi üçün önəmli tədbir keçirilib
Ən son xəbərləri bizim
"Facebook" səhifəmizdə izləyin
Digər xəbərlər
-
"Bakcell" gənclər üçün növbəti süni intellekt hakatonunu keçirib
-
UEFA Millətlər Liqasında qrup mərhələsinin son oyunları keçirilib
-
"Sədərək" bazarında səssizlik: Alıcıları hara üz tutublar?
-
ABŞ-də Gmail və Outlook poçt xidmətlərinin fəaliyyətində fasilələr yaranıb
-
Çexiya və ABŞ arasında qaz tədarükü ilə bağlı razılaşmanın yekun variantı razılaşdırılıb
-
ABŞ Azərbaycana minatəmizləmə işlərində yardım göstərə bilər













