Hazırda elmi-tədqiqatlara görə fəaliyyətin qiymətləndirilməsinin müxtəlif indikatorlar və nominasiyalar üzrə bal sistemi əsasında dəyərləndirilməsinə keçid üçün Azərbaycan Milli Elmlər Akademiyasında (AMEA) hazırlıq işlərinə başlanıb.

"Report" xəbər verir ki, bu barədə AMEA-nın prezidenti akademik İsa Həbibbəyli Akademiyanın Rəyasət Heyətində keçirilən müşavirədə məlumat verib.

Bu mexanizmin növbəti ildən etibarən tətbiq edilməsinin nəzərdə tutulduğunu diqqətə çatdıran İsa Həbibbəyli vurğulayıb ki, alimlərin çoxşaxəli fəaliyyətinin yeni dəyərləndirmə modeli ilə müəyyənləşdirilməsi elmi-tədqiqatların real qiymətləndirilməsinə öz töhfəsini verəcək.

O həmçinin xatırladıb ki, AMEA-da uzun illər ərzində elmi fəaliyyətin qiymətləndirilməsi plan işlərinin icrası əsasında aparılıb.

Müşavirədə alim əməyinin yeni metodlarla qiymətləndirilməsi meyarlarının Rəyasət Heyətinin, institutların Elmi şuralarının iclaslarında və digər növbəti mərhələlərdə də müzakirəyə çıxarılması qərara alınıb.

Oxşar xəbərlər

AMEA-nın Rəyasət Heyətinin "gərgin" iclası

Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub

Prezident Davosda "Avrasiyanın iqtisadi özünəməxsusluğunun müəyyənləşdirilməsi" mövzusunda panel iclasında iştirak edib

AMEA-nın Rəyasət Heyətinin növbəti iclası keçirilib

Polis Akademiyasında beynəlxalq konfrans keçirilib