Azərbaycan Kosmik Agentliyi ("Azərkosmos") və "Viasat Inc." arasında uçuş zamanı internet xidmətlərin (IFC – In-Flight Connectivity) göstərilməsinə dair əməkdaşlıq müqaviləsi imzalanıb.

"Report" xəbər verir ki, bu barədə "Azərkosmos" məlumat yayıb.

Bildirilir ki, müqaviləyə əsasən "Viasat" və "Azərkosmos" Azərbaycan ərazisində fəaliyyət göstərən aviaşirkətlərə müasir, yüksək sürətli və etibarlı uçuşdaxili internet xidmətlərini təqdim edərək müştəri və tərəfdaşlara daha effektiv xidmət göstərəcək.

Bu razılaşma rəqəmsal xidmətlərin genişlənməsinə, hava nəqliyyatında rabitə imkanlarının gücləndirilməsinə və sərnişin təcrübəsinin daha da inkişaf etdirilməsinə töhfə verəcək.

Həmçinin tərəfdaşlar arasında Daşkənddə keçirilən Kosmik Texnologiyalar Konfransı ("STC 2026") çərçivəsində işgüzar görüş keçirilib, müqavilənin təfərrüatları və gələcək əməkdaşlıq istiqamətləri ətraflı müzakirə olunub.

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

SOCAR-ın Bakı Ali Neft Məktəbinin nəzdində fəaliyyət göstərən Rəqəmsal Biliklər Liseyinin rəsmi açılış mərasimi keçirilib

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda Azərbaycan səhiyyəsi üçün önəmli tədbir keçirilib

Mülki aviasiyada təhlükəsizliyə nəzarətlə bağlı xidmət haqqı məbləğləri təsdiqlənib