BP və onun tərəfdaşları yeni onlayn öyrənmə resursu olan sosial investisiya layihəsinə başlayıblar.

“Report” xəbər verir ki, dəyəri 200 min manat (118 min ABŞ dolları) olan və bir il müddətinə nəzərdə tutulan layihə Azərbaycanda orta məktəb şagirdləri üçün əlavə təhsil imkanları yaradır.

“LANDAU Educational Technologies” LLC tərəfindən həyata keçirilən layihə 5-9-cu sinif şagirdləri üçün riyaziyyat fənni üzrə tədris materiallarının hazırlanmasına yönəlib.

Yeni hazırlanmış materiallar hər kəs üçün açıqdır və öyrənmə prosesini dəstəkləmək və təkmilləşdirmək üçün geniş alətlər spektri təklif edir, o cümlədən:

• Ümumi müddəti 84 saat maraqlı öyrənmə ilə 359 videodərs;

• Ümumilikdə 721 sual ehtiva edən 104 ev tapşırığı;

• Şagirdlərin materialı mənimsəməsini qiymətləndirmək üçün 1265 viktorina sualı;

• Şagirdlərə mürəkkəb mövzuları başa düşməyə kömək etmək üçün hər bir videodərsə 359 PowerPoint təqdimatı;

• Müəllimlər üçün video formatında ev tapşırıqlarını əhatə edən və şagirdlərin nailiyyətlərini qiymətləndirməyə imkan verən rəqəmsal tədris modulu.

Layihənin açılış mərasimində BP-nin Xəzər regionu üzrə vitse-prezidenti Bəxtiyar Aslanbəyli qeyd edib ki, onlayn-öyrənmənin əhəmiyyətinin durmadan artdığı bir vaxtda əlçatan və yüksək keyfiyyətli onlayn-resurslar mühüm rol oynayır.

"İnanırıq ki, layihə şagirdlərə riyaziyyatda möhkəm təməl qoymağa kömək etmək üçün lazımi resursları təmin edir. Həmçinin ölkənin bütün bölgələrindən olan uşaqların, o cümlədən xüsusi təhsil ehtiyacları olanların uğur qazanmaq üçün lazım olan vasitələri və dəstəyi alacaqlarına zəmanət verir. Bu materialları hamı üçün əlçatan etməklə bütün şagirdlər üçün yerləşmə yerindən və şəraitdən asılı olmayaraq dəyərli tədris resurslarına çıxışı genişləndiririk", - o bildirib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

Prezident və birinci xanım “Sea Breeze”də LANDAU Məktəbinin və “The Grand” apart hotelinin açılışında iştirak ediblər - YENİLƏNİB