Sozar Subari: Gürcüstan - Azərbaycan strateji əməkdaşlığı xüsusi əhəmiyyət daşıyır
Regionda sülh və iqtisadi inkişaf təmin olunsa, bütün marşrutlar üçün kifayət qədər yük həcmi olacaq. Bu baxımdan, Gürcüstan və Azərbaycan arasında mövcud olan strateji əməkdaşlıq xüsusi əhəmiyyət daşıyır və iki ölkədən keçən tranzit dəhliz ən qısa və əlverişli alternativlərdən biri hesab olunur.
"Report"un yerli bürosu xəbər verir ki, bunları Gürcüstan parlamentinin vitse-spikeri və "Xalq Gücü" Partiyasının sədri Sozar Subari deyib.
Ölkənin geosiyasi rolu və regional əhəmiyyətindən danışan S.Subari qeyd edib ki, Gürcüstan regionda əsas tranzit marşrutlardan biridir.
Onun sözlərinə görə, gələcəkdə Mərkəzi Asiya resurslarına daha geniş çıxış əldə etmək həm Avropa, həm də ABŞ üçün strateji əhəmiyyət daşıyır və Gürcüstan bu istiqamətdə əsas tranzit marşrutlardan biri hesab olunur.
S.Subari vurğulayıb ki, bəzi Avropa liderlərinin Cənubi Qafqaz nəqliyyat dəhlizi ilə bağlı çıxışlarında Gürcüstanın rolunun yetərincə qeyd etməməsi təəccüblü deyil. Onun fikrincə, geosiyasəti anlayan hər kəs bilir ki, regionda həyata keçirilən qlobal iqtisadi layihələr Gürcüstandan yan keçə bilməz.
Deputat bildirib ki, ölkədə sabitliyin qorunması təkcə Gürcüstan üçün deyil, həm də Avropanın təhlükəsizliyi və beynəlxalq iqtisadi layihələrin davamlılığı baxımından mühüm əhəmiyyət kəsb edir.
O, eyni zamanda, qeyd edib ki, Cənubi Qafqaz dəhlizi Çin yüklərinin Avropaya daşınması üçün vacib olsa da, regionda alternativ marşrutlar da mövcuddur. O cümlədən, müharibədən sonra bəzi Avropa ölkələrinin yenidən Rusiya üzərindən daşımaları davam etdirə biləcəyi, həmçinin Zəngəzur dəhlizi kimi layihələrin də rəqabəti artıracağı istisna edilmir.
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Böyük Britaniya Ukraynaya mindən çox uzaqmənzilli dron verəcək
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu













