EBRD Gəncədə iki layihə üzrə kreditlərin istifadə müddətini uzadıb
Avropa Yenidənqurma və İnkişaf Bankı (EBRD) və Azərbaycan hökuməti Gəncədə iki infrastruktur layihəsi üzrə kredit vəsaitlərindən istifadə müddətinin uzadılması barədə razılığa gəlib.
"Report" xəbər verir ki, "Gəncə şəhərində küçələrin işıqlandırılması" layihəsi üzrə kredit vəsaitlərindən istifadə müddəti 2025-ci ilin sentyabrından 2027-ci ilin avqustuna qədər uzadılıb.
Layihə icra qrupu tərəfindən məsləhət xidmətlərinin satın alınmasında, habelə işıqlandırma sistemlərinin təchizatı və quraşdırılması üzrə tender prosedurlarının keçirilməsində yaranmış ləngimələr nəticəsində kredit vəsaitindən istifadə müddətinin uzadılması zərurəti yaranıb. Nəticədə 12,5 milyon avro məbləğində kredit müəyyən edilmiş müddətdə tam həcmdə istifadə olunmayıb.
"Gəncə şəhərində bərk məişət tullantılarının idarə edilməsi" layihəsi üzrə də analoji qərar qəbul edilib. 10 milyon avro məbləğində vəsaitin istifadə müddəti 2026-cı ilin dekabrına qədər uzadılıb.
Layihənin həyata keçirilməsi üçün icra qrupu yaradılmalı və həmin qrup tərəfindən məsləhət xidmətlərinin satın alınması həyata keçirilməli idi. Lakin məsləhət xidmətləri göstərəcək şirkətlə bağlanılacaq müqavilənin dəyərinin proqnozlaşdırılandan yüksək olması yaranacaq artıq xərclərin qarşılanması üçün əlavə texniki yardımın cəlb edilməsini zəruri edib. Təqdim olunan təkliflər EBRD-nin tələblərinə uyğun olmadığı üçün tender nəticələri ləğv edilib.
Qeyd olunan səbəblər sazişin imzalanmasından ötən 3 il ərzində kredit vəsaitindən istifadəni mümkünsüz edib, onun istifadə müddətinin uzadılmasını zəruri edib.
Xatırladaq ki, EBRD 202 layihə çərçivəsində Azərbaycana 3,629 milyard avro investisiya yatırıb.
Oxşar xəbərlər
“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib
Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Ən son xəbərləri bizim
"Facebook" səhifəmizdə izləyin
Digər xəbərlər
-
Böyük Britaniya Ukraynaya mindən çox uzaqmənzilli dron verəcək
-
XİN: Tbilisidə baş vermiş faciəvi partlayış xəbərindən dərin kədər hissi keçiririk
-
"DOST to DOST" layihəsi çərçivəsində könüllülərin İsmayıllıya infoturu təşkil olunub
-
Sahilboyu ərazilərdə torpaq sahələrinin istifadəyə və icarəyə verilməsi rəqəmsallaşdırılacaq
-
ASCO-nun "Xocalı" gəmisi Çində texniki yoxlamadan keçdi, sertifikatları yeniləndi
-
Qarakənd faciəsindən 35 il ötür













