Yermek Koşerbayev Azərbaycana səfər edəcək
Far.Az xəbər saytı

Yermek Koşerbayev Azərbaycana səfər edəcək


Qazaxıstanın xarici işlər naziri Yermek Koşerbayev Azərbaycana rəsmi səfər edəcək.

"Report" xəbər verir ki, bu barədə Qazaxıstan Xarici İşlər Nazirliyinin (XİN) "Telegram" kanalında bildirilib.

Səfər ərəfəsində nazirlik ikitərəfli tərəfdaşlığın dinamikasına həsr olunmuş infoqrafik məlumat yayıb.

Qeyd olunub ki, 2025-ci ildə Qazaxıstan və Azərbaycan arasında əmtəə dövriyyəsi 470 milyon dollar təşkil edib.

"Qazaxıstanda 1518 Azərbaycan şirkəti fəaliyyət göstərir, Azərbaycandan birbaşa xarici investisiyaların həcmi 220,1 milyon dollar təşkil edib (2013-cü ildən hazırkı dövrədək - red.)", - məlumatda bildirilib.

Qazaxıstan XİN tranzit-nəqliyyat sahəsinin inkişafını qeyd edib.

"Transxəzər Beynəlxalq Nəqliyyat Marşrutu yeni inkişaf təkanı alıb. Son 7 ildə daşımaların həcmi 5 dəfə - ildə 0,8 milyon tondan 4,5 milyon tonadək artıb. Potensial ildə 10 milyon tona qədər təşkil edir", - infoqrafik məlumatda qeyd olunub.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib
1959-cu ildən bu günə: İT sahəsinin inkişafını əks etdirən sərgi - FOTOREPORTAJ
Şəhid analarının iştirakı ilə Vətən müharibəsində Zəfərin 5 illiyinə həsr olunmuş tədbir keçirilib
BDU-da şəhid jurnalist Məhərrəm İbrahimova həsr olunmuş kitabın təqdimatı keçirilib
20 su emalı müəssisəsində mikrobioloji çirklənmə aşkarlanıb

Ən son xəbərləri bizim

"Facebook" səhifəmizdə izləyin

Digər xəbərlər