SEPAH mina təhlükəsinə görə Hörmüz boğazından keçid üçün yeni qaydalar tətbiq edib
İranda dəniz minaları ilə təmasdan qaçmaq üçün Hörmüz boğazından keçmək niyyətində olan bütün gəmilərin Tehran tərəfindən müəyyən edilmiş iki alternativ marşrutdan istifadə etməsi barədə məcburi tələbin tətbiq edildiyi bildirilib.
"Report" xəbər verir ki, təlimat İslam İnqilabı Keşikçiləri Korpusunun (SEPAH) Hərbi Dəniz Qüvvələri tərəfindən verilib.
"Fars körfəzində və Hörmüz boğazı zonasında yaranmış hərbi vəziyyəti, eləcə də akvatoriyada müxtəlif növ gəmi əleyhinə minaların olması ehtimalını nəzərə alaraq boğazdan keçməyi planlaşdıran bütün gəmilər xüsusi sərəncama qədər Hörmüz boğazı bölgəsində SEPAH-ın Hərbi Dəniz Qüvvələri ilə məcburi koordinasiya əsasında alternativ marşrutlar üzrə hərəkət etməyə borcludurlar", - məlumatda bildirilib.
Vurğulanıb ki, bu tədbir "gəmiçilik təhlükəsizliyi prinsiplərini təmin etmək və dəniz minaları ilə mümkün toqquşmaların qarşısını almaq məqsədilə" tətbiq edilib.
SEPAH-ın təlimatında həm Fars körfəzindən, həm də əks istiqamətdə Hörmüz boğazından keçmək üçün iki alternativ marşrut göstərilib. Hər iki marşrut Laraq adası yaxınlığındakı su məkanından keçir.
Xatırladaq ki, İran, ABŞ və onların müttəfiqləri 2026-cı il aprelin 8-nə keçən gecə iki həftəlik atəşkəs barədə razılığa gəlib. İran bildirib ki, bu müddət ərzində İran Silahlı Qüvvələri ilə koordinasiya şəraitində və texniki məhdudiyyətlər nəzərə alınmaqla Hörmüz boğazından təhlükəsiz keçid təmin ediləcək.
İsrail isə mövcud atəşkəs qərarının Livana şamil edilmədiyini əsas gətirərək bu ölkəyə zərbələr endirib. Daha sonra İran parlamentinin spikeri Məhəmmədbaqer Qalibaf bəyan edib ki, Livanda atəşkəsin əldə olunması planın birinci şərti idi.
Oxşar xəbərlər
Bakıda Azərbaycan səhiyyəsi üçün önəmli tədbir keçirilib
Azad edilmiş ərazilərdə mina təhlükəsinə həsr olunan tədbir keçirilib
SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib
20 Sentyabr - Neftçilər Günü münasibətilə tədbir keçirilib
Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Böyük Britaniya Ukraynaya mindən çox uzaqmənzilli dron verəcək













