"Qala Sığorta" ASC 2025-ci ili 11,931 milyon manat xalis mənfəətlə başa vurub.

"Far.Az" şirkətin maliyyə hesabatına istinadən xəbər verir ki, bu, 2024-cü illə müqayisədə 19,8 % azdır.

Ötən il "Qala Sığorta"nın gəlirləri 84,617 milyon manat (əvvəlki ilə nisbətən 8,3 % çox), xərcləri 69,714 milyon manat (16,4 % çox), mənfəət vergisi ödəmələri isə 2,973 milyon manat (12 % az) təşkil edib.

Bu il yanvarın 1-nə "Qala Sığorta"nın aktivləri 90,132 milyon manat olub ki, bu da illik müqayisədə 3,6 % çoxdur. Hesabat dövründə şirkətin öhdəlikləri 9,3 % artaraq 60,917 milyon manata çatıb, balans kapitalı isə 6,6 % azalaraq 29,216 milyon manata düşüb.

Xatırladaq ki, "Qala Sığorta" 1999-cu ildən fəaliyyət göstərən "Çartis Azərbaycan" şirkətinin bazasında yaradılıb. Onun nizamnamə kapitalı 10,018 milyon manatdır.

Oxşar xəbərlər

AZAL-ın xalis mənfəəti 86 %-ə yaxın artıb

"Bank VTB Azərbaycan"ın depozit portfeli 11 %-ə yaxın azalıb

SOCAR-ın xalis mənfəəti 9 %-dən çox artıb

"AFB Bank"ın xalis mənfəəti 7 % azalıb

Əmanətlərin Sığortalanması Fondu 2024-cü ili mənfəətlə başa vurub