Qalibaf: ABŞ danışıqlarda İranın etibarını qazana bilmədi
Far.Az xəbər saytı

Qalibaf: ABŞ danışıqlarda İranın etibarını qazana bilmədi


İranın İslamabaddakı danışıqlarda irəli sürdüyü sülh təşəbbüslərinə baxmayaraq, Amerika tərəfi Tehranın etimadını qazana bilmədi.

"Far.Az" xəbər verir ki, bunu İslam Respublikası parlamentinin spikeri Məhəmməd Baqer Qalibaf "X" sosial şəbəkəsində yazıb.

"Danışıqlar başlamazdan əvvəl lazımi iradə və istəklərimizin olduğunu vurğuladım, amma əvvəlki iki müharibənin təcrübəsi səbəbindən qarşı tərəfə etibar etmirik. İran nümayəndə heyətindəki həmkarlarım perspektivli təşəbbüslər təklif etdilər, amma nəticədə Amerika tərəfi danışıqların bu mərhələsində etibarımızı qazana bilmədi", - o qeyd edib.

Qalibaf dost və qardaş Pakistanın danışıqları asanlaşdırmaq səylərini də yüksək qiymətləndirib.

"İran 90 milyon insanın yaşadığı ölkədir. Ali liderin məsləhəti ilə bizi dəstəkləyən İranın bütün qəhrəman millətinə minnətdaram. Bu gərgin 21 saatlıq danışıqlarda həmkarlarıma uğurlar arzulayıram", - o qeyd edib.

Xatırladaq ki, İslamabadda Pakistanın vasitəçiliyi ilə İran və ABŞ arasında danışıqların ilk günü başa çatıb. Müşavirələrdə ABŞ-nin Vitse-prezidenti Cey Di Vensin başçılıq etdiyi nümayəndə heyəti, həmçinin Prezidentin xüsusi elçisi Stiv Uitkoff və sahibkar Jared Kuşner də iştirak edir, İran tərəfdən danışıqlarda parlamentin spikeri Məhəmməd Baqer Qalibaf və xarici işlər naziri Abbas Əraqçı iştirak edir. Görüşdə Pakistan Quru Qoşunlarının Qərargah rəisi Asim Münir də iştirak edib.

Oxşar xəbərlər

"Qarabağ KOB-ları" layihəsi - şəhid ailələrinin, qazilərin məşğulluğuna və biznes təşəbbüslərinə dəstək
FHN təlim etmək istədi - Yanlış park edilən maşınlara görə yanğın avtomobilləri hərəkət edə bilmədi
ABŞ Prezidenti Donald Trampın təşəbbüsü ilə yaradılan Sülh Şurası təsis edilib
İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib
Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

Ən son xəbərləri bizim

"Facebook" səhifəmizdə izləyin

Digər xəbərlər