Qazaxıstan Orta Dəhlizin inkişafı üçün rəqəmsal sistemlərini inteqrasiya edəcək
Far.Az xəbər saytı

Qazaxıstan Orta Dəhlizin inkişafı üçün rəqəmsal sistemlərini inteqrasiya edəcək


Qazaxıstanın Baş naziri Oljas Bektenov ölkənin müvafiq qurumlarına Transxəzər Beynəlxalq Nəqliyyat Marşrutunun (TBNM, Orta Dəhliz) inkişafı üçün Azərbaycan və Gürcüstandakı tərəfdaşlarla rəqəmsal sistemlərin inteqrasiyasını təmin etməyi tapşırıb.

"Report" Qazaxıstan hökumətinə istinadən xəbər verir ki, bu barədə baş nazir bu gün ölkənin tranzit-nəqliyyat potensialının inkişafı sahəsində prezidentin tapşırıqlarının icrasına həsr olunmuş müşavirədə bəyan edib.

Məlumatda qeyd olunur ki, Qazaxıstan bu nəqliyyat marşrutunun inkişafına xüsusi diqqət yetirir.

"TBNM üzrə çatdırılma müddətlərinin qısaldılması, "Altınkol – Poti/Batumi" marşrutu üzrə vahid tariflərin tətbiqi, Azərbaycan və Gürcüstandakı tərəfdaşlarla rəqəmsal sistemlərin inteqrasiyası istiqamətində iş aparılır. Hazırda ümumi uzunluğu 3,9 min km olan dəmir yolunda iri infrastruktur layihələri həyata keçirilir", - o vurğulayıb.

Bundan başqa, iclasda dəniz daşımalarının, o cümlədən Aktau-Bakı istiqamətində daşımaların inkişafı ilə bağlı məsələlər müzakirə edilib.

"Aktau və Kurık limanlarından istifadə etməklə daşımaların inkişafı istiqamətində aparılan işlər barədə məlumat verilib (Bektenova - red.). Bu il Aktau limanında 1,3 milyon kubmetr həcmində dibdərinləşdirmə işlərinin aparılmasının vacibliyi qeyd olunub. Baş nazir Aktau-Bakı marşrutu ilə hərəkət üçün 6 ədəd konteyner daşıyıcısının alınması prosedurlarının ləngiməsinə diqqət çəkib. Qeyd olunan marşruta yeni nəqliyyatın çıxarılması üzrə işləri sürətləndirmək tapşırılıb", - məlumatda deyilir.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib
Şəhid analarının iştirakı ilə Vətən müharibəsində Zəfərin 5 illiyinə həsr olunmuş tədbir keçirilib
İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub
Azərbaycan Orta Dəhlizin regional süni intellekt habının mənzil-qərargahı ola bilər
Şimaldan Cənuba, Qərbdən Şərqə uzanan yollar: Azərbaycanın nəqliyyat-logistika sahəsində uğurları

Ən son xəbərləri bizim

"Facebook" səhifəmizdə izləyin

Digər xəbərlər