Rusiyanın paytaxtı Moskva və ətraf ərazilərdə qar yağışı gözlənilir.

Far.Az xəbər verir ki, bu barədə "Fobos" hava mərkəzinin mütəxəssisi Mixail Leus məlumat verib.

Onun sözlərinə görə, aktiv cənub siklonu yağıntı zonasını genişləndirərək artıq Moskva vilayətinin cənub hissəsinə çatıb. Hazırda qar Vladimir vilayətinin cənubunda, eləcə də Kaluqa, Oryol, Tula, Lipetsk və Tambov bölgələrində müşahidə olunur.

Eyni zamanda Volqa bölgəsində, o cümlədən Penza vilayəti və Mordoviyada da qar yağdığı bildirilir. Nijni Novqorod vilayətində bəzi ərazilərdə güclü qar müşahidə olunur.

Sinoptik qeyd edib ki, hava şəraitinin kəskin dəyişməsi güclü küləklə müşayiət olunur. Küləyin sürəti bəzi yerlərdə saniyədə 14-17 metrə çatır.

Mütəxəssislər yaxın günlərdə bölgədə isti havanın gözlənilmədiyini bildirirlər.

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

Mart ayına olan hava proqnozu AÇIQLANDI

Mart ayında hava iqlim normasından yüksək olacaq

Martda temperatur iqlim normasından yüksək olacaq - AYLIQ PROQNOZ

Martda havanın temperaturu iqlim normasından bir qədər yüksək olacaq