Türkiyədə silah almaq məhdudlaşdırılır
Türkiyə hakimiyyəti ötən həftə yerli məktəblərdə baş verən iki atışmadan sonra respublika sakinlərinin odlu silah sahibi olmasını məhdudlaşdırmaq və silah sahiblərinə qarşı cəzaları sərtləşdirmək üçün əlavə hüquqi tədbirlər görəcək.
"Far.Az" xəbər verir ki, bu barədə Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra açıqlama verib.
"Məktəblərimizdə təhlükəsizliyin təmin edilməsi bizim əsas prioritetimizdir. Bu məsələdə nə indi, nə də gələcəkdə heç bir güzəştə getməyəcəyik. Təhlükəsizlik və etibarlılıq öhdəliklərini yerinə yetirməyən odlu silah sahiblərinə qarşı cəzaları sərtləşdirəcəyik. Silah sahibliyini məhdudlaşdıran əlavə hüquqi qaydalar tətbiq edəcəyik.", - deyə o əlavə edib.
O qeyd edib ki, aprelin 15-də Türkiyənin cənub-şərqindəki Kahramanmaraş vilayətindəki bir məktəbdə baş verən atışma nəticəsində 9 nəfər ölüb, 21-i yaralanıb. Aprelin 14-də isə eyni bölgədəki Şanlıurfa vilayətindəki məktəbdə baş verən silahlı insidentdə 19 nəfər xəsarət alıb:
"Sosial media və rəqəmsal kommunikasiya platformalarında yalan, manipulyativ və zərərli məzmun yayan hesablara qarşı müvafiq tədbirlər gördük. Ölkə hakimiyyəti "virtual patrulları" gücləndirmək və hüquq-mühafizə orqanlarının kibertəhlükəsizlik sahəsində potensialını artırmaq niyyətindədir. Məktəblər və hüquq-mühafizə orqanları arasında əməkdaşlığın gücləndirilməsi və yeni iş modellərinin hazırlanması da bu prosesdə atacağımız addımlardan biri olacaq".
Oxşar xəbərlər
İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında çıxış edib
Vətən müharibəsində Qələbənin beşinci ildönümünə həsr olunmuş Hərbi parad keçirilib
AFFA rəhbərliyi cənub bölgəsinə səfər edib
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Azərbaycan-Türkiyə müttəfiqlik münasibətlərinin cari gündəliyi müzakirə olunub













