ABŞ Prezidenti Donald Tramp İran rəhbərliyini qadınları həbsdən azad etməyə çağırıb.

Far.Az Oxu.Az-a istinadən xəbər verir ki, bu barədə ABŞ lideri özünün "Truth Social" platformasındakı hesabında "X" sosial şəbəkəsində paylaşılmış bir görüntünün skrinşotunu yayımlayaraq bildirib.

"Yaxın zamanda mənim təmsilçilərimlə görüşəcək İran rəhbərliyinə səslənirəm: Həmin qadınları sərbəst buraxsanız, sizə böyük minnətdarlığımı bildirərəm. Əminəm ki, onlar da sizin bu addımınızı yüksək qiymətləndirəcəklər. Lütfən, onlara heç bir xətər yetirməyin! Bu addım gələcək danışıqlarımız baxımından möhtəşəm başlanğıc ola bilər. Mövzunu diqqət mərkəzinə gətirdiyiniz üçün təşəkkür edirəm", - deyə Donald Tramp qeyd edib.

Sözügedən paylaşım Eyal Yakoby adlı istifadəçi tərəfindən yayımlanıb və şəkildəki qadınların kimliyi barədə məlumat verilməyib.

Bir sıra sosial şəbəkə istifadəçiləri isə həmin görüntülərin süni intellekt vasitəsilə hazırlandığını iddia edirlər.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Anar Ələkbərov "44" bədii filminin çəkilişlərinin başa çatması barədə paylaşım edib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

İnternet Vergi İdarəsinə giriş məlumatları təhlükədə ola bilər - DVX təcili tədbirlərin görülməsinə çağırır

Giriş məlumatlarınız oğurlana bilər - DVX vətəndaşlara XƏBƏRDARLIQ etdi