ABŞ Mərkəzi Komandanlığı (CENTCOM) İranla bağlı tətbiq olunan nəzarət tədbirləri çərçivəsində 31 gəminin marşrutunun dəyişdirildiyini və ya limana geri qaytarıldığını açıqlayıb.

BAKU.WS xarici mediaya istinadən xəbər verir ki, CENTCOM-un yaydığı infografik və açıqlamada bildirilir ki, İran limanlarına giriş-çıxışların qarşısının alınması istiqamətində dəniz nəzarəti tədbirləri həyata keçirilir.

Qeyd olunub ki, əməliyyatlar çərçivəsində ümumilikdə 31 gəmiyə müdaxilə edilib və onlara istiqamətlərini dəyişdirmək və ya geri qayıtmaq barədə göstəriş verilib. Gəmilərin böyük hissəsinin neft tankerləri olduğu bildirilir.

Açıqlamada vurğulanır ki, İran limanlarına heç bir gəminin girişinə və çıxışına icazə verilmir və bu nəzarət təkcə Yaxın Şərq deyil, daha geniş regionu əhatə edir.

CENTCOM-un məlumatına görə, əməliyyatlarda 10 mindən çox hərbçi, 17-dən çox hərbi gəmi, o cümlədən təyyarədaşıyanlar və raket esminesləri iştirak edir. Eyni zamanda, 100-dən artıq hərbi hava vasitəsi – qırıcılar, helikopterlər və pilotsuz uçuş aparatları da əməliyyatlara cəlb olunub.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Yaxın Şərq Sülh Sammitində iştirak edib