20 yaşadək futbolçulardan ibarət Azərbaycan millisi yaxşı olacaq.

"Far.Az"un Qəbələyə ezam olunmuş əməkdaşı xəbər verir ki, bu barədə yığmanın üzvü Toğrul Tapdıqlı jurnalistlərə açıqlamasında bildirib.

Təlim-məşq toplanışı barədə danışan hücumçu komandanın yeni yığıldığını söyləyib:

"Bu, bizim ilk toplanışımızdır. Hələlik bir az boşluqlar mövcuddur. Qarşıda vaxtımız da var. Bu boşluqları aradan qaldıracağımıza və yaxşı komanda olacağımıza ümid edirəm".

T.Tapdıqlı aprelin 13-dən hazırlıq prosesində olduqlarını xatırladıb:

"Sabah təlim-məşq toplanışı başa açır. 2027-ci ildəki dünya çempionatına hazırlaşmaq üçün buradayıq. Həmin yarışa Özbəkistanla birlikdə ev sahibliyi edəcəyik. Məşqlər çox yaxşı keçir. Peşəkar mütəxəssislərlə birlikdə işlədiyimiz hiss olunur. Yeni məşqçilər korpusuna uyğunlaşmaq çoz asandır. Bir-birimizi başa düşürük. Bizdən istədiklərini verməyə çalışırıq. Baş məşqçi daha çox oyuna nəzərət etməyimizi tələb edir. Həm də rahat oynamağımızı istəyir".

O, futbolçularda uyğunlaşma probleminin də olmadığını sözlərinə əlavə edib:

"Çempionatda bir yerdə oynayıyıq, bir-birimizi tanıyırıq. Müxtəlif milli komandalarda birlikdə olmuşuq. Bir-birimizə bələdik".

Xatırladaq ki, U-20 aprelin 26-dək Qəbələdə təlim-məşq toplanışında olacaq. Komanda 2027-ci ildə Azərbaycan və Özbəkistanda keçiriləcək FIFA U-20 dünya çempionatında iştirak edəcək.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

"Qarabağ" ingilislərə ŞOU GÖSTƏRDİ - Dünya bizdən DANIŞIR

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN