Aleksi Aleksişvili: "Ticarətin fraqmentasiyası Orta Dəhliz ölkələrinin əsas problemi olaraq qalır"
Orta Dəhliz dövlətlərinin ən kəskin problemi ticarət əlaqələrinin yüksək dərəcədə fraqmentasiyasıdır.
"Report"un Səmərqəndə ezam olunmuş əməkdaşı xəbər verir ki, bunu "Policy and Management Consulting Group"un İdarə Heyətinin sədri və Baş direktoru Aleksi Aleksişvili Asiya İnkişaf Bankının (ADB) Rəhbərlər Şurasının 59-cu illik toplantısı çərçivəsində Panasiya dəhlizlərinə həsr olunmuş seminarda səsləndirib.
"Bu fraqmentasiya həm siyasi amillər, həm də dövlət idarəçiliyinin xüsusiyyətləri ilə şərtlənir. Məsələn, səkkiz dövlətdən beşi Ümumdünya Ticarət Təşkilatının üzvüdür, üçü isə hələ təşkilata qoşulmayıb. Azad ticarət zonalarında iştirak səviyyəsində fərqlər müşahidə olunur. Qazaxıstan və Qırğızıstan Avrasiya İqtisadi İttifaqının (Aİİ) iştirakçılarıdır. Digər dövlətlər ona daxil deyil, baxmayaraq ki, onlar arasında tariflərin tənzimlənməsi üçün mühüm əhəmiyyət kəsb edən MDB sazişi fəaliyyət göstərir", - İdarə Heyətinin sədri qeyd edib.
Onun qiymətləndirməsinə görə, davam edən pərakəndəlik iqtisadi idarəetmə sahəsindəki çətinliklərlə tamamlanır: "İlk növbədə bu, gömrük sahəsinə təsir edir: müxtəlif dövlətlərin gömrük orqanları hələ də fəaliyyətlərini öz aralarında əlaqələndirmirlər. Rəqəmsallaşma tətbiq edilməyib, prosedurlar qurulmayıb, qaydaların unifikasiyası mövcud deyil. Bura həmçinin biznesin aparılması üçün əlverişli şəraitin yaradılması da aiddir - bu, prinsipial olaraq vacib aspektdir. Bu istiqamətdə bir sıra ölkələr, o cümlədən Özbəkistan və Azərbaycan müsbət dinamika nümayiş etdirir. Hesab edirəm ki, biz ən qısa müddətdə mövcud boşluqları aradan qaldırmalıyıq".
Oxşar xəbərlər
Vətən müharibəsində Qələbənin beşinci ildönümünə həsr olunmuş Hərbi parad keçirilib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Ən son xəbərləri bizim
"Facebook" səhifəmizdə izləyin
Digər xəbərlər
-
Əraqçi: İran zənginləşdirilmiş uranı ölkədən çıxarmaq niyyətində deyil
-
ABŞ İranın 4 vətəndaşını sanksiya siyahısına salıb
-
Tramp Nvidia-nın keçmiş rəhbəri Censen Huanqa ikinci şans verməyə çağırıb
-
Fransa Senatı polisin silah tətbiqinə dair qanun layihəsini təsdiqləyib
-
Türkiyənin 5 şəhərində keçirilən dələduzluq əməliyyatında 12 şübhəli saxlanılıb
-
Ukraynanın Krivoy Roq şəhərinə raket hücumu nəticəsində 2 nəfər ölüb, 42 nəfər yaralanıb













