WUF13-ün keçiriləcəyi Bakı Olimpiya Stadionunun dizayn işlərində şəhərsalma ənənələrinə üstünlük verilib.

"Report" xəbər verir ki, bunu WUF13 Azərbaycan Əməliyyat şirkətinin icraçı direktoru Adil Məmmədov Ümumdünya Şəhərsalma Forumunun 13-cü Sessiyası (WUF13) ilə bağlı görülən işlərlə bağlı media nümayəndələrinə məlumat verərkən deyib.

Onun sözlərinə görə, stadion müxtəlif zonalara bölünüb:

"A zonası 5 küçədən ibarətdir, hər küçəyə Azərbaycanın müxtəlif şəhərlərinin adı verilib. Burada 20-dən çox konfrans keçiriləcək".

A.Məmmədov həmçinin bildirib ki, xarici ölkələrdən qonaqların onlayn şəkildə tədbirə qatılması üçün lazımi şərait yaradılıb:

"Bundan başqa, media nümayəndələrinə də canlı yayım üçün 14 otaq ayrılıb. Eyni zamanda, ərazidə 2 dialoq otağı var, tutumu 500 nəfər yaxındır".

WUF13 rəsmisi vurğulayıb ki, tədbirlərdə BMT-nin 6 rəsmi dili - ərəb, Çin, ingilis, fransız, rus və ispan dilləri ilə yanaşı, Azərbaycan və türk dillərində də sinxron tərcümə təmin ediləcək:

"Xarici ölkədən də 160-dan çox tərcüməçi Azərbaycana dəvət edilib".

Oxşar xəbərlər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Gəncə Stadionunun açılışında iştirak edib

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ

Media nümayəndələri üçün WUF13 haqqında məlumatlandırma sessiyası keçirilib