Türkiyə Prezidenti Rəcəb Tayyib Ərdoğan Türk Dövlətləri Təşkilatının (TDT) üzv ölkələri ilə kibertəhlükəsizlik, rəqəmsallaşma və müdafiə sənayesi sahəsində əməkdaşlığı gücləndirmək niyyətində olduğunu bəyan edib.

"Far.Az"un Türküstana ezam olunmuş əməkdaşı xəbər verir ki, o bunu TDT-nin qeyri-rəsmi Zirvə görüşündə deyib.

R.Ərdoğanın sözlərinə görə, kibertəhlükəsizlik müasir dünyada quruda, havada və dənizdə təhlükəsizlik qədər həyati əhəmiyyət daşıyır:

"Biz Türkiyənin sədrliyi dövründə TDT çərçivəsində kibertəhlükəsizlik sahəsində koordinasiyanı və əməkdaşlığı daha yüksək səviyyəyə çatdırmaq niyyətindəyik".

Türkiyə lideri həmçinin ortaq türk əlifbasının təhsil, mədəniyyət, akademik əməkdaşlıq və rəqəmsal transformasiya sahələrində geniş tətbiqinin vacibliyini vurğulayıb.

Bundan əlavə, Ərdoğan türk dillərinin rəqəmsal məkanda iştirakını artırmağa imkan verəcək türk dili modeli daxil olmaqla süni intellektə əsaslanan layihələrin dəstəklənməsinin lehinə çıxış edib.

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bişkekdə TDT ölkələri hökumət başçılarının iclası olub, Birgə Bəyanat qəbul edilib