Elnur Məmmədov Avropa Şurası Nazirlər Komitəsinin 135-ci sessiyasında iştirak edib
Xarici işlər nazirinin müavini Elnur Məmmədov Avropa Şurası (AŞ) Nazirlər Komitəsinin 14-15 may tarixlərində Moldovanın paytaxtı Kişineu şəhərində keçirilmiş 135-ci sessiyasında iştirak və çıxış edib.
"Report" xəbər verir ki, bu barədə Xarici İşlər Nazirliyi məlumat yayıb.
Sessiyada çıxışı zamanı nazir müavini ötən ilin avqust ayında Vaşinqtonda Azərbaycan və Ermənistan liderləri tərəfindən birgə bəyanatın imzalandığını və iki ölkə arasında Sülh və Dövlətlərarası münasibətlərin qurulması haqqında Sazişin paraflandığını diqqətə çatdırıb.
Ötən doqquz ay ərzində hər iki ölkənin sülh şəraitində yaşadığını, yeni reallığın praktik faydalarının artıq özünü büruzə verdiyini və sülhün möhkəmləndirilməsi üzrə tədbirlərin davam etdiyini vurğulayıb.
O, Azərbaycanın birtərəfli qaydada tranzit və ticarət məhdudiyyətlərini ləğv etdiyini, öz ərazisi vasitəsilə Ermənistana yüklərin daşınmasına şərait yaradıldığını, mal və məhsulların ixrac olunduğunu, habelə etimad mühitinin gücləndirilməsi və ortaq maraqlar ətrafında açıq müzakirələrin aparılması üçün vətəndaş cəmiyyəti nümayəndələrinin qarşılıqlı səfər və görüşlərinin baş tutduğunu qeyd edib.
Nazir müavini çıxışında Avropa Şurası Parlament Assambleyasının Azərbaycana qarşı qərəzli yanaşmasının Avropa Şurasının təsisat kimi bütövlüyünə ciddi xələl gətirdiyini və bu vəziyyətin qeyd-şərtsiz aradan qaldırılması məsuliyyətinin təşkilatın üzərinə düşdüyünü vurğulayıb.
O, AŞ Nazirlər Komitəsinin sədri qismində fəaliyyətinə görə Moldovaya təşəkkür edib, yeni sədr Monakoya uğurlar arzulayıb.
E.Məmmədov, həmçinin sessiya çərçivəsində təşkil olunmuş "Avropada miqrasiya" mövzusunda dəyirmi masada iştirak və çıxış edib.
Oxşar xəbərlər
Horadiz-Ağbənd dəmir yolu ilə Araz İqtisadi Zonası Sənaye Parkına yüklərin daşınmasına başlandı
İlham Əliyev Vaşinqtonda Sülh Şurasının ilk iclasında iştirak edib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Mehriban Əliyeva BMT Baş Assambleyası çərçivəsində xüsusi sessiyada iştirak edib
Ən son xəbərləri bizim
"Facebook" səhifəmizdə izləyin
Digər xəbərlər
-
Böyük Britaniya Ukraynaya mindən çox uzaqmənzilli dron verəcək
-
FTB ABŞ-nin Yunanıstandakı keçmiş səfirinin fəaliyyətini araşdırır
-
Tramp İranla münaqişənin tezliklə həll olunacağına ümid edir
-
"Bloomberg": "Anthropic" səhmlərin yerləşdirilməsi hesabına 94 milyard dollardan çox vəsait cəlb edə bilər
-
"DOST to DOST" layihəsi çərçivəsində könüllülərin İsmayıllıya infoturu təşkil olunub
-
XİN: Tbilisidə baş vermiş faciəvi partlayış xəbərindən dərin kədər hissi keçiririk













