Livan və İsrail Vaşinqtonda keçirilən danışıqların üçüncü raundu çərçivəsində təhlükəsizlik sahəsində mümkün uzunmüddətli razılaşmanı müzakirə etməyə başlayıb.

"Far.Az" xəbər verir ki, bu barədə ABŞ Dövlət Departamentindəki mənbə "Al Hadath" telekanalına bildirib.

"Tərəflər nəzərəçarpacaq irəliləyiş əldə ediblər və atəşkəs rejiminin müzakirəsindən digər qarşılıqlı fəaliyyət istiqamətlərinə keçiblər ki, bu da daha geniş razılaşmalar üçün əsas ola bilər", - mənbə deyib.

Qeyd olunub ki, İsrail qoşunlarının Livan ərazisindən çıxarılması birbaşa "Hizbullah" hərəkatı tərəfindən gələn təhlükənin aradan qaldırılması ilə bağlıdır.

Danışıqlar ABŞ Dövlət Departamentində prezident Donald Tramp administrasiyasının dəstəyi ilə keçirilir. Livan nümayəndə heyətinə ABŞ-dəki keçmiş səfir Simon Karam rəhbərlik edir, İsrail tərəfini isə Milli Təhlükəsizlik Şurası rəhbərinin müavini Yosef Draznin təmsil edir.

Xatırladaq ki, aprelin 14-də keçirilən birinci danışıqlar raundundan sonra tərəflər aprelin 17-dən etibarən atəşkəs rejiminin tətbiqi barədə razılığa gəliblər. Aprelin 23-də baş tutan ikinci raundun yekunlarına əsasən atəşkəs daha üç həftə uzadılıb.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

Heydər Əliyev Fondunun dəstəyi ilə alınan musiqi alətlərinin təqdimatı olub

İlham Əliyev Vaşinqtonda Sülh Şurasının ilk iclasında iştirak edib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında çıxış edib