"WUF13-ün əsas mövzusu olan "Dünyanın mənzillə təmin edilməsi: təhlükəsiz və dayanıqlı şəhərlər və icmalar" mənzil məsələsini qlobal şəhər müzakirələrinin mərkəzinə yerləşdirir. Mənzil yalnız sosial məsələ deyil, bu, iqtisadi məsələdir, iqlim məsələsidir, inkişaf məsələsidir və ən əsası insan ləyaqəti məsələsidir".

BAKU.WS xəbər verir ki, bu sözləri Ümumdünya Şəhərsalma Forumunun 13-cü sessiyası (WUF13) çərçivəsində Yeni Şəhər Gündəliyi üzrə nazirlər səviyyəsində görüşdə çıxış edən Dövlət Şəhərsalma və Arxitektura Komitəsinin sədri Anar Quliyev deyib.

O bildirib ki, mənzil insanların imkanlara, təhsilə, səhiyyəyə və dolanışıq vasitələrinə çıxışını formalaşdırır:

"Mənzi lşəhər inkişafının planlı və ya parçalanmış, dayanıqlı və ya həssas olduğunu göstərir. Məhz buna görə Yeni Şəhər Gündəliyinin mənzil ölçüsü siyasət yönümlü qərarlarımızın mərkəzində qalmalıdır".

"Dünyanın müxtəlif yerlərində biz artan urbanizasiya, əlçatan mənzil problemləri, qeyri-formal yaşayış məntəqələri, iqlim dəyişikliyi səbəbindən məcburi köç və dayanıqlı infrastruktur tələbatının artdığını görürük. Bunlar ayrı-ayrı problemlər deyil, inteqrasiya olunmuş həllər tələb edən qarşılıqlı əlaqəli reallıqlardır.

Buna görə də mənzil məsələsinə yalnız tikinti kimi deyil, torpaq istifadəsi, mobillik, infrastruktur, yaşıl məkanlar, iqtisadi məhsuldarlıq və sosial həmrəyliklə əlaqələndirilmiş kompleks şəhər siyasəti kimi yanaşılmalıdır"-deyə Anar Quliyev fikirlərini yekunlaşdırıb.

Oxşar xəbərlər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

DSX-nin 270 hərbçisi mənzillə təmin olunub

Media nümayəndələri üçün WUF13 haqqında məlumatlandırma sessiyası keçirilib

Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ