"Yeni Şəhər Gündəliyinin icrası üçün siyasi öhdəliklərin yenilənməsi vacibdir".

Far.Az Oxu.Az-a istinadən xəbər verir ki, bu fikirləri Polşanın BMT-dəki daimi nümayəndəsi Krzysztof Şçerski Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində Yeni Şəhər Gündəliyinə həsr olunmuş nazirlər toplantısında səsləndirib.

O, toplantının qlobal şəhər gündəliyi üçün mühüm mərhələdə keçirildiyini və şəhərlərin getdikcə artan çağırışlarla üzləşdiyini vurğulayıb:

"Yeni Şəhər Gündəliyinin qəbulundan təxminən 10 il keçməsinə baxmayaraq, şəhərlərimiz mənzil çatışmazlığı, bərabərsizlik, iqlim dəyişikliyinin təsirləri, məcburi köç, eləcə də infrastruktur və əsas xidmətlərə artan təzyiqlərlə üzləşməkdə davam edir. Eyni zamanda, şəhərlər iqtisadi inkişafın, innovasiyanın və dayanıqlılığın əsas mərkəzləri olaraq qalır".

"BMT Baş Assambleyasının mandatına uyğun olaraq, bu il iyulun 16-17-də Nyu-Yorkda keçiriləcək Yeni Şəhər Gündəliyinin aralıq icmalı indiyədək əldə olunan irəliləyişlərin qiymətləndirilməsi, mövcud boşluqların müəyyənləşdirilməsi və siyasi öhdəliklərin yenilənməsi üçün mühüm imkan yaradacaq", - deyə çıxışçı vurğulayıb.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ

Media nümayəndələri üçün WUF13 haqqında məlumatlandırma sessiyası keçirilib