Avropa İttifaqı mənzil böhranının aradan qaldırılması üzrə fəaliyyəti gücləndirir, əlçatan mənzil sahəsində beynəlxalq əməkdaşlığın və sistem islahatlarının zəruriliyini vurğulayır.

"Report" xəbər verir ki, bunu Aİ-nin Azərbaycandakı səfiri Mariyana Kuyundziç Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində nazirlərin dəyirmi masasında bildirib.

O, əlçatan və keyfiyyətli mənzilin cəmiyyətin davamlı inkişafının əsas şərti olduğunu qeyd edib: "Əgər insanların başı üstündə dam yoxdursa və ya o, təhlükəsiz deyilsə, bu, cəmiyyət üçün ciddi çağırışdır".

Kuyundziçin sözlərinə görə, mənzil əmtəə kimi deyil, insanın fundamental hüququ kimi nəzərdən keçirilməlidir. Səfir əlavə edib ki, mənzil böhranının universal həlli mövcud deyil, çünki hər bir ölkə fərqli şərait və çağırışlarla üzləşir ki, bu da yerli yanaşmalar tələb edir.

Oxşar xəbərlər

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında çıxış edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Media nümayəndələri üçün WUF13 haqqında məlumatlandırma sessiyası keçirilib