Əşyaların interneti infrastrukturun rəqəmsallaşdırılması üçün yeni imkanlar yaratsa da, eyni zamanda bir çox yeni problemlər də gətirib.

"Report" xəbər verir ki, bunu BMT-nin proqramların idarə edilməsi üzrə baş əməkdaşı Aline Matta Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş "Şəhərlər üçün Süni İntellekt - Şəhər Planlaşdırması və Ağıllı, Davamlı İcmaların Qurulması" adlı tədbirdə bildirib.

Onun sözlərinə görə, davamlı rəqəmsal uçurum mövcuddur, süni intellekt və dezinformasiya isə artmaqdadır: "İnfrastruktur, dövlət qurumlarına inam və bir çox şəhərlərin bəzən hətta tənzimlənməmiş həlləri irəliləmək üçün sınaq meydançasına çevrilməsi ilə bağlı, biz kibertəhlükəsizlik, məxfilik və nəzarətlə əlaqədar çoxsaylı təhdidlər müşahidə etmişik".

Qonaq qeyd edib ki, qlobal perspektivdən baxdıqda, yəni adekvat mənzilə çıxışı olmayan 2,8 milyard insan, qeyri-rəsmi yaşayış yerlərində və gecəqondularda yaşayan 1,1 milyard insan nəzərə alındıqda, texnologiyadan istifadə daha da vacibdir: "Yəqin ki, 2050-ci ilə qədər dünya əhalisinin demək olar ki, 70 %-nin şəhərlərdə yaşayacağını gözlədiyimizdən xəbərdarsınız. Buna görə də, qlobal mənzil böhranı həll edilməsə, qarşıdakı çağırışlarla birlikdə o, yalnız artacaq və böyüyəcək. Ağıllı şəhərlərdən danışarkən üzləşdiyimiz çağırışlardan biri texnologiya əsaslı yanaşmadan ehtiyac əsaslı yanaşmaya keçid etmək zərurətidir. Biz istifadə etmək istədiyimiz texnologiya üçün problem tapmağa çalışmaq əvəzinə, texnologiyanı məqsədə çatmaq vasitəsi kimi istifadə edərək insanları prioritet etməliyik".

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub