Diqqətin humanitar yardımdan dayanıqlı inkişafın təmin edilməsinə yönəldilməsi Birləşmiş Millətlər Təşkilatının (BMT) birincidərəcəli vəzifəsidir.

"Report" xəbər verir ki, bu barədə BMT-nin Məskunlaşma Proqramının (UN-Habitat) icraçı direktoru Anaklaudia Rossbax Bakıda Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Qlobal Mənzil Maliyyələşdirməsindən Yerli Əlverişli Mənzil Fəaliyyətinə: Qlobal İnkişafdan və Submilli Maliyyədən İstifadə" adlı panel müzakirəsində bildirib.

"Beynəlxalq ictimaiyyətə müraciət edərək dayanıqlı inkişaf gündəliyini ön plana çəkməyə çağırıram. Humanitar maliyyələşdirmənin azaldılması təcili yardımdan uzunmüddətli inkişafa keçid mexanizmlərinin sistemli səmərəsizliyini üzə çıxardı", - o qeyd edib.

A. Rossbax qeyd edib ki, inkişafa doğru strateji istiqamət olmadan nə Davamlı İnkişaf Məqsədlərinə nail olmaq, nə iqlim öhdəliklərini yerinə yetirmək, nə də Yeni Şəhər Proqramını həyata keçirmək mümkündür.

"Artıq həyata keçirilən birgə fəaliyyət nümunələri sırasında Keniyada qaçqın düşərgələrinin tamhüquqlu şəhər icmalarına çevrilməsinə yönəlmiş layihələr, həmçinin tərəfdaşların iştirakı ilə milli şəhər siyasətinin hazırlandığı Qanadakı təşəbbüslər yer alır", - A. Rossbax əlavə edib.

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib - YENİLƏNİB-4

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub