Mingəçevirdə güclü külək irigövdəli ağacların aşmasına səbəb olub. Yağışdan sonra başlayan külək şəhərin Əliağa Vahid küçəsində iki qovaq ağacını kökündən qoparıb. Hadisə zamanı xəsarət alan olmasa da, piyadaların və avtomobillərin hərəkətində ciddi çətinlik yaranıb.

Hadisə şahidi olan sakinlərdən biri vəziyyəti Baku TV-yə belə təsvir edib:

"Eyvanda oturub çay içirdim. Birdən güclü səs eşitdim, işıqlar da söndü. Çölə çıxanda ağacın aşdığını gördüm".

Güclü külək İsmayıllı rayonunda da bir sıra fəsadlara yol açıb. Qəfil başlayan fırtına nəticəsində Heydər Əliyev və Həsən bəy Zərdabi küçələrində irigövdəli ağaclar aşıb. Nəticədə qeyd olunan ərazilərdə nəqliyyatın və piyadaların hərəkəti təxminən iki-üç saat müddətinə məhdudlaşıb.

Qeyd edək ki, aidiyyəti qurumların əməkdaşları dərhal ərazilərə cəlb olunublar. Hazırda yaranmış fəsadların aradan qaldırılması istiqamətində zəruri işlər aparılır.

Oxşar xəbərlər

Güclü yağışdan sonra Bakıda genişmiqyaslı daxili iməcilik keçirilib

Leyla Əliyeva Mingəçevirdə ekoloji aksiyalarda iştirak edib

Leyla Əliyeva Mingəçevirdə şəhid ailəsini ziyarət edib, bir sıra sosial müəssisələrlə tanış olub

Güclü külək Mingəçevirdə fəsadlar törədib, bir neçə ağac aşıb

Lökbatanda anbarda GÜCLÜ YANĞIN - Kəmaləddin Heydərov hadisə yerinə gəldi