Neft-qaz sektorunda emissiyaların azaldılması və yeni texnologiyaların tətbiqi operatorlar, texnologiya təchizatçıları və xidmət şirkətləri arasında sıx əməkdaşlıq olmadan mümkün deyil.

BAKU.WS report-a istinadən xəbər verir ki, bunu Azərbaycan Dövlət Neft Şirkətinin (SOCAR) vitse prezidentinin müavini Hikmət Abdullayev Bakıda keçirilən 31-ci Beynəlxalq Xəzər Neft və Qaz Sərgisi çərçivəsində Bakı Ekspo Mərkəzində təşkil olunmuş panel müzakirələrində bildirib.

Onun sözlərinə görə, bu üç amildən hər hansı birinin prosesdən kənarda qalması layihələrin uğurla həyata keçirilməsini çətinləşdirir.

"Texnologiya şirkətləri ən son elmi nailiyyətlərə və innovativ həllərə çıxış əldə edir. Xidmət şirkətləri bu texnologiyaların tətbiqi və istismarı üzrə təcrübəyə malikdir. Operatorlar isə aktivlərin xüsusiyyətləri və əməliyyat məlumatlarını təqdim edir. Bu elementlərdən biri olmadıqda sistem effektiv işləyə bilməz", - deyə SOCAR rəsmisi qeyd edib.

H. Abdullayev əlavə edib ki, texnologiyalar sürətlə inkişaf etdiyi üçün şirkətlər arasında daimi dialoq və məlumat mübadiləsinin aparılması vacibdir:

"Texnologiya hər il, hətta hər altı aydan bir dəyişir. Operatorlar gündəlik fəaliyyətləri ilə məşğul olduqlarından bəzən sənayedə baş verən yenilikləri izləməkdə çətinlik çəkir. Buna görə bütün tərəflər arasında əlaqə kanallarının daim açıq qalması vacibdir. Texnologiya hazırlayan şirkətlərin də problemlərin mahiyyətini və konkret aktivlərin xüsusiyyətlərini dərindən anlaması vacibdir. Bu isə konkret layihələr üçün xüsusi həllərin hazırlanmasına imkan yaradır. Əməkdaşlıq bu prosesin əsas hərəkətverici qüvvəsidir. Onsuz irəli getmək mümkün deyil".

Oxşar xəbərlər

Heydər Əliyev Mərkəzində "Vəhşi təbiətin super qəhrəmanları" sərgisi açılıb

Leyla və Arzu Əliyevalar "Urban Expo" sərgisi ilə tanış olublar

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Prezident İlham Əliyev Bakı Enerji Həftəsinin rəsmi açılış mərasimində iştirak edib