Aİ Kosmin George Dineskunu Ermənistandakı yeni missiyasının rəhbəri təyin edib
Avropa İttifaqı (Aİ) Şurası Kosmin George Dineskunu Aİ-nin Ermənistanda yeni yaradılmış Tərəfdaşlıq Missiyasının (EUPM Armenia) rəhbəri təyin edib.
"Report" xəbər verir ki, bu barədə Aİ Şurası məlumat yayıb.
Onun mandatı bir il müddətinə nəzərdə tutulub və 2026-cı il iyunun 11-də qüvvəyə minir. Qərar Aİ-nin Siyasət və Təhlükəsizlik Komitəsi tərəfindən qəbul edilib.
Xatırladaq ki, "EUPM Armenia" Ermənistan hakimiyyətinin sorğusu əsasında 2026-cı il aprelin 26-da iki il müddətinə yaradılıb. Missiyanın əsas məqsədi ölkənin dayanıqlığını gücləndirmək və böhranların idarə edilməsi sahəsində imkanlarını inkişaf etdirməkdir.
Missiya strateji və operativ məsləhətlər verməklə, Ermənistana kiberhücumlara, xarici informasiya manipulyasiyası və müdaxiləsinə, eləcə də qeyri-qanuni maliyyə axınlarına qarşı mübarizədə dəstək göstərəcək.
Kosmin Dinesku beynəlxalq münasibətlər sahəsində 25 ildən artıq təcrübəyə malik səfir rütbəli rumıniyalı diplomatdır. O, əvvəllər Rumıniya Xarici İşlər Nazirliyində bir sıra yüksək vəzifələrdə çalışıb, həmçinin ölkəsinin Litva, Latviya və Xorvatiyada səfiri olub.
Yeni təyinatına qədər üç il Aİ-nin Moldovadakı Tərəfdaşlıq Missiyasına (EUPM Moldova) rəhbərlik edib və burada böhranların idarə olunmasını dəstəkləməyə və hibrid təhdidlərə qarşı mübarizəyə yönəlmiş Ümumi Təhlükəsizlik və Müdafiə Siyasəti çərçivəsində Aİ-nin ilk mülki missiyasının yaradılmasına başçılıq edib.
Oxşar xəbərlər
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib
Ən son xəbərləri bizim
"Facebook" səhifəmizdə izləyin
Digər xəbərlər
-
Rumıniyada güclü zəlzələ baş verib
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Macarıstan Xorvatiya vasitəsilə neft tədarükünə dair danışıqlara başlayıb













