Kobaxidze: Orta Dəhlizin potensialından yararlanmaqla Serbiya ilə tərəfdaşlığı dərinləşdirməyə hazırıq
Gürcüstan Orta Dəhlizin tranzit potensialından tam istifadə üçün Serbiya ilə tərəfdaşlığı dərinləşdirməyə hazırdır.
"Report"un yerli bürosu xəbər verir ki, bunu Gürcüstanın Baş naziri İrakli Kobaxidze Serbiya Prezidenti Aleksandr Vuçiç ilə keçirdiyi görüşdən sonra keçirilən birgə brifinqdə bildirib.
Onun sözlərinə görə, Gürcüstan və Serbiya arasında ticarət-iqtisadi əlaqələrin inkişafı və nəqliyyat-logistika sahəsində əməkdaşlığın genişləndirilməsi üçün böyük potensial mövcuddur:
"Gürcüstan Orta Dəhlizin ayrılmaz hissəsidir. Biz Avropa ilə Asiya arasında tranzit və ticarət potensialından tam istifadə etmək üçün Serbiya ilə tərəfdaşlığımızı daha da dərinləşdirməyə hazırıq".
İ.Kobaxidze Serbiya Prezidentinə Gürcüstanın suverenliyi və ərazi bütövlüyünə göstərdiyi dəstəyə görə təşəkkür edib və Tbilisinin də Serbiyanın suverenliyi və ərazi bütövlüyünü qətiyyətlə dəstəklədiyini vurğulayıb.
Hökumət başçısı həmçinin vurğulayıb ki, Serbiyanın Tbilisidə səfirlik açmaq qərarı son dərəcə vacib addımdır:
"Əminəm ki, bu diplomatik nümayəndəlik ölkələrimiz arasında əməkdaşlığın daha da möhkəmlənməsinə mühüm töhfə verəcək".
Oxşar xəbərlər
SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3
Ən son xəbərləri bizim
"Facebook" səhifəmizdə izləyin
Digər xəbərlər
-
Rumıniyada güclü zəlzələ baş verib
-
Azərbaycan BP ilə birgə enerji layihələrinin inkişafını müzakirə edib – Yenilənib
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Paşinyan: Ümumi istifadədə olan çaylardan birgə yararlanmaq qaydalarının Azərbaycanla müzakirəsi vacibdir
-
Almaniyada məlumat sızıntısına görə "Deutsche Bank" barəsində araşdırma başladılıb













