Bakıda keçirilən İslam İnkişaf Bankının İcraçı Direktorlar Şurasının 367-ci toplantısında ümumi məbləği 2,8 milyard ABŞ dolları təşkil edən inkişaf maliyyələşdirmə paketi təsdiq olunub.

BAKU.WS xəbər verir ki, ayrılan vəsaitlər nəqliyyat, energetika, kənd təsərrüfatı və iqlim davamlılığı istiqamətlərində reallaşdırılacaq layihələrin maliyyələşdirilməsinə sərf ediləcək.

Təsdiqlənən layihələr arasında Uqandada standart ölçülü dəmir yolu xəttinin inşası üçün 650,75 milyon avro, Türkiyədə İstanbul Şimal Dəmir Yolu Keçidi Layihəsinə 660,35 milyon avro, eləcə də Banqladeşdə neft emalı zavodunun yenilənməsi məqsədilə 1 milyard ABŞ dollarından artıq vəsaitin ayrılması nəzərdə tutulub.

Paket çərçivəsində həmçinin Nigeriyada günəş enerjisi layihələrinin genişləndirilməsi, Fələstində günəş elektrik stansiyalarının tikintisi, Kot-d'İvuarda elektrik şəbəkəsinin gücləndirilməsi, Tacikistanda yol infrastrukturunun bərpası, həmçinin Qambiya və Benində kənd təsərrüfatı sahəsində layihələrin dəstəklənməsi yer alır.

Qeyd olunub ki, bu maliyyə dəstəyi regionlararası əməkdaşlığın inkişafına, enerji təhlükəsizliyinin möhkəmləndirilməsinə, ərzaq təminatının yaxşılaşdırılmasına və dayanıqlı iqtisadi artımın təşviqinə töhfə verəcək.

Oxşar xəbərlər

Prezident İlham Əliyev Sumqayıt Sənaye Parkında güzgü vərəqələrin istehsalı zavodunun açılışında iştirak edib

Prezident İlham Əliyev "AZWOOL" mineral daş yunu zavodunun açılışında iştirak edib

"Kağız gətir - kitab apar" sosial-ekoloji layihəsinə start verildi

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3