Qara dənizdə, Rumıniya sahilləri yaxınlığında yük gəmisinin dron hücumuna məruz qalması ilə Azərbaycan vətəndaşı həlak olub.

Far.Az Azərbaycan Televiziyasına (AzTV) istinadən xəbər verir ki, hücum nəticəsində ölən gəminin kapitanı, 1974-cü il təvəllüdlü Rüstəm İsmayıl oğlu Həsənov həyatını itirib.

Digər Azərbaycan vətəndaşı, 2002-ci il təvəllüdlü Məhəmməd Həmzə oğlu Süleymanzadə isə itkin düşüb. Hazırda onun tapılması istiqamətində axtarış tədbirləri davam etdirilir.

Rüstəm Həsənovun ailə üzvləri onun hadisədən bir gün əvvəl onlarla telefonla danışdığını bildiriblər. Atası İsmayıl Həsənovun sözlərinə görə, o, avqustun 15-də səfərə çıxıb: "Aradan bir ay keçdi, zəng elədi. Gəlib gəlməyəcəyini soruşdum, dedi ki, gəmidə bir az təmir işləri var. Onları bitirim".

Hadisədən bir gün əvvəl isə Rüstəm Həsənov ailəsinə gəminin artıq dənizə çıxdığını və İtaliyaya yük apardığını bildirib. O, səfərdən qayıtdıqdan sonra evə dönəcəyini söyləyib.

Lakin ertəsi gün ailə faciəli xəbər alıb. Mərhumun atası bildirir ki, hadisə barədə məlumat saat 11 radələrində yayılıb.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Prezident İlham Əliyev Əfv Sərəncamı imzalayıb

İlham Əliyevin İranın Azərbaycana dron hücumuna dair mövqeyi dünya mediasının diqqət mərkəzindədir

Silahlı Qüvvələrin bir qrup hərbi qulluqçu təltif edilib

"Qarabağ" futbolçuları İtaliyaya yola düşüblər