Orxan Zeynalov: Böyük Britaniyanın Azərbaycana investisiya həcmi 40 milyard dollara yaxındır
Böyük Britaniya 39,9 milyard dolları ötən investisiya həcmi ilə Azərbaycan iqtisadiyyatına ən böyük xarici investordur, bunun da 37 milyard dolları energetika sektoruna yönəldilib.
"Report" xəbər verir ki, bunu Azərbaycanın energetika nazirinin müavini Orxan Zeynalov Böyük Britaniya Kralı III Çarlzın ad gününə həsr edilmiş tədbirdə bildirib.
O əlavə edib ki, iki ölkə arasındakı münasibətlərdə energetika sahəsindəki əməkdaşlıq xüsusi yer tutur: "1994-cü ildə BP ilə səmərəli tərəfdaşlığın əsasını qoyan "Əsrin müqaviləsi"nin imzalanması bu qarşılıqlı fəaliyyətin təməli olub. Son üç onillik ərzində bu əməkdaşlıq həm hər iki ölkə, həm də bütün region üçün əhəmiyyətli nəticələr verib".
Zeynalov əlavə edib ki, "Azəri-Çıraq-Günəşli" (AÇG) və "Şahdəniz" kimi iri layihələr qlobal enerji təhlükəsizliyinin təmin olunmasında mühüm rol oynayır.
"Bu ayın əvvəlində AÇG yatağının dərin qatlarından təbii qaz hasilatının başlanmasına həsr olunmuş mərasim keçirilib. Bu, həmin yatağın inkişafında yeni tarixi mərhələdir. "Deep-gas" layihəsi Azərbaycanın qaz hasilatının və ixrac potensialının artırılması üçün strateji əhəmiyyətə malikdir. Layihə çərçivəsində işlənilən qaz ehtiyatları növbəti illərdə Azərbaycana gələcək xarici investisiyalar üçün zəmin yaradacaq", - nazir müavini vurğulayıb.
Onun sözlərinə görə, iki ölkə arasında strateji tərəfdaşlıq genişlənib "yaşıl" energetika və dekarbonizasiya sahəsində təşəbbüsləri əhatə edir. 2027-ci ildə Cəbrayılda istismara veriləcək 240 MVt gücündə olan "Şəfəq" günəş elektrik stansiyası, eləcə də bu layihənin Səngəçal terminalının dekarbonizasiyasına gələcək töhfəsi karbohidrogen və yaşıl energetikanın inteqrasiyasını əyani şəkildə nümayiş etdirəcək.
Zeynalov həmçinin vurğulayıb ki, energetika sektorundan əlavə, Böyük Britaniya ilə əməkdaşlıq ticarət, investisiya, təhsil, səhiyyə və digər sahələri əhatə edən çoxprofilli tərəfdaşlığa çevrilib.
Oxşar xəbərlər
İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3
Leyla Əliyeva və Alyona Əliyeva Müstəqillik Gününə həsr olunmuş konserti izləyiblər
Prezident İlham Əliyev Bakı Enerji Həftəsinin rəsmi açılış mərasimində iştirak edib
Vətən müharibəsində Qələbənin beşinci ildönümünə həsr olunmuş Hərbi parad keçirilib
Böyük Britaniya kralı III Çarlz Qarabağ atlarının şousunu izləyib
Ən son xəbərləri bizim
"Facebook" səhifəmizdə izləyin
Digər xəbərlər
-
Böyük Britaniya Ukraynaya mindən çox uzaqmənzilli dron verəcək
-
Tramp İranla münaqişənin tezliklə həll olunacağına ümid edir
-
"DOST to DOST" layihəsi çərçivəsində könüllülərin İsmayıllıya infoturu təşkil olunub
-
XİN: Tbilisidə baş vermiş faciəvi partlayış xəbərindən dərin kədər hissi keçiririk
-
Sahilboyu ərazilərdə torpaq sahələrinin istifadəyə və icarəyə verilməsi rəqəmsallaşdırılacaq
-
ASCO-nun "Xocalı" gəmisi Çində texniki yoxlamadan keçdi, sertifikatları yeniləndi













